कर्णाली नदीमा डुङ्गा पल्टिँदा बेपत्ता बाबुछोरामध्ये छोराको शव फेला

अछाम, वैशाख ५ गते — अछामको तुर्माखाँद गाउँपालिका–३ भैरवस्थानस्थित राहाबल्दे नजिक कर्णाली नदी मा डुङ्गा पल्टिँदा बेपत्ता भएका बाबुछोरामध्ये १३ वर्षीय नरेश बुढाको शव फेला परेको छ।

गाउँपालिकाका अध्यक्ष डम्बरबहादुर बिसी का अनुसार नदी किनारमा फेला परेको शव दुर्घटनास्थलदेखि करिब ७ सय मिटर तल भेटिएको हो। दुर्घटनामा बेपत्ता भएका ३५ वर्षीय पहलसिंह बुढा भने अझै फेला परेका छैनन्।

जिल्ला प्रहरी कार्यालय अछाम का प्रहरी नायब उपरीक्षक ओमप्रकाश खनाल का अनुसार नदी पारिबाट घाँस लिएर फर्कने क्रममा साँझ करिब ७ बजे उनीहरू चढेको डुङ्गा पल्टिएको थियो। घटनालगत्तै प्रहरी र स्थानीयले खोजी सुरु गरे पनि अँध्यारोका कारण कठिनाइ भएको थियो।

आज बिहानदेखि सशस्त्र प्रहरी बल नेपाल को गोताखोरसहितको टोली परिचालन गरी खोजी कार्यलाई तीव्र बनाइएको छ। बेपत्ता बाबुको खोजी जारी रहेको र घटनाबारे थप अनुसन्धान भइरहेको प्रहरीले जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन