![$adHeader[0]['title']](https://bfisnews.com/images/bigyapan/1726498142_960x100.gif)
थ्रिस्टार हाइड्रोपावरको सत प्रतिशत हकप्रद शेयर घोषणा, कर्जा तिर्नुका साथै नयाँ आयोजनामा लगानी गर्ने
- BFIS News
- 2024 Oct Tue 10:34
काठमाडौं । थ्रिस्टार हाइड्रोपावर कम्पनीले सत प्रतिशत हकप्रद शेयर निष्काशन गर्ने घोषणा गरेको छ । कम्पनीको यहि कार्तिक ५ गते सोमबार दिनको साढे ३ बजे बसेको सञ्चालक समितिको बैठकले हाल कायम चुक्ता पूँजी ४९ करोड २५ लाख रुपैयाँको १०० प्रतिशत हकप्रद शेयर निष्काशन गर्ने निर्णय गरेको हो ।
कम्पनीले एक बराबर एकको अनुपातमा हकप्रद शेयर निष्काशन गर्नका लागि विद्युत नियमन आयोगमा पूर्व स्वीकृतिका लागि निवेदन दिने निर्णय गर्ने भएको छ ।
उक्त हकप्रद शेयर निष्काशनबाट प्राप्त रकम मध्ये ३४ करोड २५ लाख रुपैयाँ आयोजना निर्माणका लागि लिएको बैंकको ऋण तथा अन्य दायित्व भुक्तानी गर्ने र बाँकी रहेको १५ करोड रुपैयाँ निको इनर्जी लिमिटेडद्धारा निर्माणाधिन ९ मेगावाटको माथिल्लो भुरुण्डी ए जलविद्युत आयोजनाका लगि स्वपूँजीमा लगानी गर्ने भएको छ ।
विद्युत नियमन आयोगबाट पूर्व स्वीकृति प्राप्त भए पश्चात कम्पनीको आगामी साधारण सभामा अनुमोदनको लागि पेश गर्ने निर्णय समेत गरेको छ ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया