अधिक तरलता व्यवस्थापनका लागि राष्ट्र बैंकले २० अर्ब रुपैयाँ निक्षेप खिच्दै

काठमाडौं। नेपाल राष्ट्र बैंकले आइतबार २० अर्ब रुपैयाँ बराबरको निक्षेप खिच्ने भएको छ। वित्तीय प्रणालीमा अधिक तरलता कायमै रहेपछि केन्द्रीय बैंकले १२ दिन अवधिका लागि निक्षेप संकलन उपकरणमार्फत बोलकबोल प्रक्रिया सञ्चालन गर्न लागेको हो।

हाल बैंकिङ प्रणालीको कुल निक्षेप ७५ खर्ब रुपैयाँभन्दा बढी पुगेको छ। वित्तीय प्रणालीको अधिक तरलता व्यवस्थापन तथा बजार ब्याजदर सन्तुलनमा राख्न राष्ट्र बैंकले निक्षेप संकलन उपकरण र स्थायी निक्षेप सुविधा प्रयोग गर्दै आएको छ।

उक्त बोलकबोल प्रक्रियामा राष्ट्र बैंकबाट इजाजतप्राप्त ‘क’, ‘ख’ र ‘ग’ वर्गका बैंक तथा वित्तीय संस्थामात्र सहभागी हुन पाउनेछन्। निक्षेप संकलन रकम बाँडफाँट गर्दा बोल गरिएको ब्याजदरका आधारमा सबैभन्दा कम ब्याजदर प्रस्ताव गर्ने संस्थालाई प्राथमिकता दिँदै आह्वान गरिएको कुल रकमसम्म क्रमशः बाँडफाँट गरिनेछ।

राष्ट्र बैंकका अनुसार आज अनलाइन खरिद प्रणालीमार्फत बोलकबोल हुनेछ र ब्याजदर बोलकबोल प्रक्रियामार्फत निर्धारण गरिनेछ। यस निक्षेप संकलन उपकरणअन्तर्गत संकलित रकमको सावाँ तथा ब्याज आगामी २०८२ पुस २५ गते भुक्तानी गरिनेछ। बोल गर्न सकिने न्यूनतम रकम १० करोड रुपैयाँ तोकिएको छ भने अधिकतम रकम ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म हुनेछ।

केन्द्रीय बैंकको खुला बजार कारोबारसम्बन्धी कार्यविधिअनुसार वित्तीय बजारमा दीर्घकालीन प्रकृतिको अधिक तरलता देखिएमा बजार ब्याजदर व्यवस्थापनका लागि कारोबार सञ्चालन समितिले आवश्यकतानुसार बढीमा ६ महिनासम्मको अवधिका दीर्घकालीन निक्षेप संकलन उपकरण प्रयोग गर्न सक्ने व्यवस्था छ। यही व्यवस्थाअनुसार राष्ट्र बैंकले पछिल्ला समयहरूमा पटक–पटक निक्षेप संकलन उपकरण प्रयोग गर्दै आएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन