नबिल बैंक सहित यि ७ कम्पनी जसको लाभांश आजसम्म शेयर किन्नेले मात्रै पाउनेछन्,

काठमाडौं । सेयरधनीहरूका लागि आज महत्वपूर्ण दिन रहेको छ । आज विभिन्न ८ वटा सूचीकृत कम्पनीहरूले प्रस्ताव गरेका लाभांश सुरक्षित (बुक क्लोज अघि नाम दर्ता) गर्ने अन्तिम दिन हो । यी कम्पनीहरूले आ–आफ्नो साधारण सभा आह्वान गरिसकेका छन् ।

बुटवल पावर कम्पनी लिमिटेड (BPCL)

बुटवल पावर कम्पनीले २८ पुस २०८२ मा आफ्नो ३३औँ वार्षिक साधारण सभा बोलाएको छ । सभा कर्की ब्याङ्क्वेट, बबरमहल, काठमाडौंमा दिउँसो २ बजे सुरु हुनेछ ।

पुस ३ गते बसेको सञ्चालक समितिको बैठकले ३ अर्ब ४० करोड रुपैयाँ चुक्ता पुँजीमा ६ प्रतिशत नगद लाभांश वितरण गर्ने निर्णय गरेको हो । कम्पनीको बुक क्लोज पुस १५ गते रहेको छ । सो मितिभन्दा अघि कायम सेयरधनीले लाभांश प्राप्त गर्नुका साथै सभामा सहभागी हुन सक्नेछन् ।

सपोर्ट लघुवित्त वित्तीय संस्था लिमिटेड (SMB)

सपोर्ट लघुवित्तले ३० पुस २०८२ मा आफ्नो ११औँ वार्षिक साधारण सभा आयोजना गर्दैछ । सभा स्काई लक्स होटल, इटहरी–३, नुवाकोटमा बिहान ११ बजे सुरु हुनेछ ।

कम्पनीले आर्थिक वर्ष २०८१/८२ का लागि कुल १० प्रतिशत लाभांश प्रस्ताव गरेको छ । पुस १६ गते बुक क्लोज तोकिएकाले सोभन्दा अघि सेयरधनी कायम रहेकाहरू लाभांश र सभामा सहभागी हुन योग्य हुनेछन् ।

मिथिला लघुवित्त वित्तीय संस्था लिमिटेड (MLBBL)

मिथिला लघुवित्तको १७औँ वार्षिक साधारण सभा ३० पुस २०८२ मा गौतम होटल, बर्दिवास, धनुषामा बिहान ११ बजे हुनेछ ।
कम्पनीले १५ प्रतिशत लाभांश प्रस्ताव गरेको छ, जसअन्तर्गत १४.२५ प्रतिशत बोनस सेयर र ०.७५ प्रतिशत नगद लाभांश (करसहित) रहेको छ । बुक क्लोज पुस १६ गते तोकिएको छ ।

छिमेक लघुवित्त वित्तीय संस्था लिमिटेड (CBBL)

छिमेक लघुवित्तले २९ पुस २०८२ मा होटल समाना, हेटौंडामा बिहान ११ बजे २४औँ वार्षिक साधारण सभा गर्ने भएको छ ।
कम्पनीले २५ प्रतिशत लाभांश प्रस्ताव गरेको छ, जसमा १२.५ प्रतिशत बोनस सेयर र १२.५ प्रतिशत नगद लाभांश (करसहित) समावेश छ । बुक क्लोज पुस १६ गते रहेको छ ।

नबिल बैंक लिमिटेड (NABIL)

नबिल बैंकको ४१औँ वार्षिक साधारण सभा २८ पुस २०८२ मा त्रिभुवन आर्मी अफिस, भद्रकाली, काठमाडौंमा बिहान ११:१५ बजे सुरु हुनेछ । बैंकले आर्थिक वर्ष २०८१/८२ का लागि १२.५० प्रतिशत नगद लाभांश प्रस्ताव गरेको छ । बुक क्लोज पुस १६ गते तोकिएको छ ।

डिप्रोक्स लघुवित्त वित्तीय संस्था लिमिटेड (DDBL)

डिप्रोक्स लघुवित्तको २४औँ वार्षिक साधारण सभा २८ पुस २०८२ मा होटल सेवन लिमिटेड, सौराहा, चितवनमा बिहान १० बजे हुनेछ ।
कम्पनीले १५ प्रतिशत लाभांश प्रस्ताव गरेको छ, जसमा १० प्रतिशत बोनस सेयर र ५ प्रतिशत नगद लाभांश (करसहित) रहेको छ । बुक क्लोज पुस १६ गते रहेको छ ।

आईजीआई प्रुडेन्सियल इन्स्योरेन्स लिमिटेड (IGI)
आईजीआई प्रुडेन्सियल इन्स्योरेन्सले २४ पुस २०८२ मा अम्रपाली ब्याङ्क्वेट, भाटभटेनी, नक्साल, काठमाडौंमा बिहान १० बजे २८औँ वार्षिक साधारण सभा आयोजना गर्दैछ । कम्पनीले ५ प्रतिशत नगद लाभांश (करसहित) प्रस्ताव गरेको छ ।  बुक क्लोज पुस १६ गते तोकिएको छ । कम्पनीहरूले तोकेको बुक क्लोजर मितिभन्दा अघि सेयरधनी कायम रहेकाहरूले मात्र प्रस्तावित लाभांश प्राप्त गर्न र सम्बन्धित साधारण सभामा सहभागी हुन पाउनेछन् ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?