![$adHeader[0]['title']](https://bfisnews.com/images/bigyapan/1759825227_1100x100.gif)
अन्तर्राष्ट्रिय बजारमा सुनको भाउ लगातार गिरावट, प्रतितोला २ लाख ५९ हजारमा कारोबार
- BFIS News
- 2026 Jan 01 11:17
काठमाडौं — नेपाली सुनचाँदी बजारमा आज गिरावट देखिएको छ। नेपाल सुनचाँदी व्यवसायी महासंघ (फेनेगोसिडा) का अनुसार छापावाल सुनको मूल्य प्रतितोला १,४०० रुपैयाँले घट्दै २ लाख ५९ हजार ६ सय रुपैयाँमा कारोबार भइरहेको छ। यसअघि छापावाल सुन प्रतितोला २ लाख ६१ हजार रुपैयाँमा कारोबार भएको थियो। पछिल्लो केहि दिनदेखि अन्तर्राष्ट्रिय बजारमा सुनको भाउमा लगातार गिरावट आइरहेको छ।
त्यसैगरी, तेजाबी सुनको मूल्य पनि घटेको छ। आज तेजाबी सुन प्रतितोला २ लाख ५८ हजार ९ सय रुपैयाँमा कारोबार भइरहेको छ, जुन हिजोको मूल्य २ लाख ६० हजार ३ सय रुपैयाँको तुलनामा १,४०० रुपैयाँ कम हो।
यसअघि छापावाल सुनले डिसेम्बर २८, २०२५ मा प्रतितोला २ लाख ७० हजार ६ सय रुपैयाँको कीर्तिमानी उच्च मूल्य छोएको थियो। पछिल्लो गिरावटलाई सो उच्च मूल्यपछिको सामान्य सुधारका रूपमा हेरिएको छ।
उता, चाँदीको मूल्यमा पनि सामान्य गिरावट आएको छ। आज चाँदी प्रतितोला ५५ रुपैयाँले घट्दै ४ हजार ४ सय १५ रुपैयाँमा कारोबार भइरहेको छ। हिजो चाँदी प्रतितोला ४ हजार ४ सय ७० रुपैयाँमा कारोबार भएको थियो।
शेयर गर्नुहोस
प्रतिक्रिया दिनुहोस्
सम्बन्धित समाचार
.jpeg)
प्रतिक्रिया