सिद्धार्थ बैंकलाई अविमोच्य असञ्चिति अग्राधिकार शेयर निष्कासनको स्वीकृति, संस्थागत लगानीकर्तालाई अवसर

काठमाडौं । नेपाल धितोपत्र बोर्डले सिद्धार्थ बैंक लिमिटेडलाई अविमोच्य असञ्चिति अग्राधिकार शेयर निष्कासन गर्न स्वीकृति प्रदान गरेको छ। बोर्डले सोमबार बैंकलाई ८.२५ प्रतिशत प्रतिफल दिने साढे ३ करोड कित्ता ‘एसबीएल ८.२५ अविमोच्य असञ्चिति अग्राधिकार शेयर’ जारी गर्न अनुमति दिएको हो।

हाल बैंक तथा वित्तीय संस्थाहरूले अत्यन्त न्यून व्याजदर प्रदान गरिरहेका बेला सिद्धार्थ बैंकले संस्थागत लगानीकर्तालाई लक्षित गर्दै ८.२५ प्रतिशत प्रतिफल दिने लगानी उपकरण ल्याउन लागेको हो। यसले दीर्घकालीन र स्थिर प्रतिफल खोजिरहेका संस्थागत लगानीकर्ताका लागि आकर्षक विकल्प प्रदान गर्ने अपेक्षा गरिएको छ।

बैंकले परिपत्री विधिमार्फत अग्राधिकार शेयर निष्कासन गर्ने जनाएको छ। उक्त शेयरको निष्कासन तथा बिक्री प्रबन्धकको रूपमा एनएमबी क्यापिटल लिमिटेड रहेको छ।

यसअघि नबिल बैंक, कामना सेवा विकास बैंक र एनएमबी बैंकले समेत यस्ता अविमोच्य असञ्चिति अग्राधिकार शेयर निष्कासन गर्न धितोपत्र बोर्डबाट स्वीकृति प्राप्त गरिसकेका छन्। पछिल्लो समय बैंक तथा वित्तीय संस्थाहरूले पूँजी संरचना सुदृढ गर्न यस्ता उपकरणको प्रयोग बढाउँदै लगेका छन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?