एनएमबी बैंकका ठूला लगानीकर्ताको शेयर स्वामित्वमा हेरफेर, यि हुन् सबैभन्दा ठुला १४ शेयरधनी

काठमाडौँ । एनएमबी बैंक लिमिटेडका ठूला लगानीकर्ताको शेयर स्वामित्वमा पछिल्लो एक वर्षमा उल्लेखनीय हेरफेर देखिएको छ । बैंकले सार्वजनिक गरेको आर्थिक वर्ष २०८१/०८२ को वार्षिक प्रतिवेदन अनुसार ०.५ प्रतिशत वा सोभन्दा बढी शेयर स्वामित्व भएका लगानीकर्ताको संख्या १४ रहेको छ ।

प्रतिवेदन अनुसार बैंकका केही ठूला लगानीकर्ताले आफ्नो शेयर हिस्सा घटाएका छन् भने केहीको स्वामित्व सामान्य रुपमा बढेको देखिन्छ । सुशिल कुमार गोशालीले आफ्नो शेयर स्वामित्व ०.९५ प्रतिशतबाट ०.९० प्रतिशतमा झारेका छन् । त्यस्तै, गाईत्री इन्भेष्टमेन्ट एण्ड म्यानेजमेन्ट प्रालिको स्वामित्व १.८२ प्रतिशतबाट १.७४ प्रतिशतमा घटेको छ । सुनिल कुमार गोशालीको १.०४ प्रतिशतबाट १ प्रतिशतमा, पुरुषोत्तम लाल संघाईको ०.७१ प्रतिशतबाट ०.६८ प्रतिशतमा तथा सन्तोष राठीको ०.५८ प्रतिशतबाट ०.५४ प्रतिशतमा झरेको छ ।

यसबीच धनन्जय प्रसाद आचार्यको शेयर स्वामित्व भने १.५३ प्रतिशतबाट बढेर १.५४ प्रतिशत पुगेको छ । गएको वर्ष आधारभूत शेयरधनीको सूचीमा रहेका बलराम न्यौपानेले शेयर बिक्री गरेसँगै उक्त समूहबाट बाहिरिएका छन् । त्यस्तै, दिनबन्धु अग्रवालले पनि ०.५३ प्रतिशत शेयर बिक्री गर्दै ठूला लगानीकर्ताको सूचीबाट बाहिरिएका हुन् ।

एनएमबी बैंकमा कुल १७.९१ प्रतिशत शेयर स्वामित्व विदेशी कम्पनीहरूको रहेको छ । दुई विदेशी कम्पनीले उक्त हिस्सा होल्ड गरेका छन् । नेदरल्याण्ड्सको एफएमओ नामक कम्पनी बैंकको सबैभन्दा ठूलो शेयरधनी हो, जसको १३.६९ प्रतिशत स्वामित्व रहेको छ । हाल एफएमओसँग २ करोड ५१ लाख ४७ हजारभन्दा बढी कित्ता शेयर छन् ।

त्यसैगरी, मलेसियाको यंग लयिन रियल्टी एसडीएन बीएचडी एनएमबी बैंकको तेस्रो ठूलो शेयरधनी हो । कम्पनीसँग ७७ लाख ४२ हजारभन्दा बढी कित्ता शेयर रहेको छ, जसको स्वामित्व ४.२२ प्रतिशत रहेको छ । दोस्रो ठूलो शेयरधनीका रूपमा कर्मचारी सञ्चय कोष रहेको छ । कोषसँग १ करोड १ लाख ५० हजार ७०० भन्दा बढी कित्ता शेयर रहेको छ भने स्वामित्व हिस्सा ५.५३ प्रतिशत छ ।

शेयर स्वामित्वमा देखिएको यो परिवर्तनले बैंकको लगानी संरचना थप विविध बन्दै गएको संकेत गरेको छ भने विदेशी तथा संस्थागत लगानीकर्ताको भूमिकालाई पनि मजबुत बनाएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?