रिलायबल नेपाल लाइफको नवौं वार्षिक साधारणसभा सम्पन्न, १२ प्रतिशत नगद लाभांश पारित

काठमाडौं। रिलायबल नेपाल लाइफ इन्स्योरेन्स कम्पनी लिमिटेडको नवौं वार्षिक साधारणसभा मंगलबार काठमाडौंको एलिस रिसेप्सन, गैह्रीधारामा सम्पन्न भएको छ। सभाले सञ्चालक समितिले प्रस्ताव गरेको १२ प्रतिशत नगद लाभांश पारित गरेको छ।

साधारणसभाले लेखापरीक्षकको प्रतिवेदनसहित २०८२ आषाढ मसान्तको Statement of Financial Position, Statement of Cash Flow, Statement of Change in Equity, २०८१ श्रावण १ गतेदेखि २०८२ आषाढ मसान्तसम्मको Nepal Financial Reporting Standard (NFRS) अनुसारको Statement of Profit or Loss, Consolidated Statement of Other Comprehensive Income, Statement of Distributable Profit or Loss तथा संलग्न अनुसूचीहरू छलफल गरी पारित गरेको छ।

यसैगरी, कम्पनीको सहायक कम्पनी रिलायबल इन्भेष्टमेन्ट एण्ड मर्चेण्ट क्यापिटल लिमिटेडको आ.व. २०८१/०८२ को वित्तीय विवरणसहितको एकीकृत वित्तीय विवरण पनि सभाले पारित गरेको छ।

कम्पनी ऐन, २०६३ को दफा १११ अनुसार आ.व. २०८२/०८३ का लागि लेखापरीक्षण समितिबाट सिफारिस गरिएका लेखापरीक्षक नियुक्त गर्ने र पारिश्रमिक निर्धारण गर्ने प्रस्तावसमेत स्वीकृत भएको छ। हालका लेखापरीक्षक श्री सुजन काफ्ले एण्ड एसोसिएट्स, चार्टर्ड एकाउन्टेन्ट्स पुनः नियुक्तिका लागि योग्य रहेको कम्पनीले जनाएको छ।

सभाले कम्पनीको आ.व. २०८१/०८२ सम्मको वितरणयोग्य मुनाफाबाट वार्षिक साधारणसभाका लागि शेयरधनी दर्ता किताब बन्द हुँदा कायम रहेका शेयरधनीहरूलाई कुल रु. ६२,३६,३९,३८५।६० (अक्षरेपी बैसठ्ठी करोड छत्तीस लाख उनन्चालीस हजार तीन सय पचासी रुपैयाँ साठी पैसा) नगद लाभांश वितरण गर्ने प्रस्ताव पनि स्वीकृत गरेको छ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना