माघ महिनाका लागि वाणिज्य बैंकहरूले ब्याजदर घटाए, ११ ले घटाउदा अन्यको स्थिर

काठमाडौं । वाणिज्य बैंकहरूले माघ महिनाका लागि नयाँ ब्याजदर सार्वजनिक गरेका छन्। सार्वजनिक दरअनुसार अधिकांश बैंकहरूले पुसको तुलनामा व्यक्तिगत मुद्दती निक्षेपको ब्याजदर घटाएका छन्।

हाल सञ्चालनमा रहेका २० वाणिज्य बैंकमध्ये ११ वटा बैंकले ब्याजदर घटाएका छन् भने बाँकी बैंकहरूले पुस महिनाकै दरलाई निरन्तरता दिएका छन्।

ब्याजदर घटाउने बैंकहरूमध्ये हिमालयन बैंक र माछापुच्छ्रे बैंकले सबैभन्दा धेरै कटौती गरेका छन्। दुवै बैंकले व्यक्तिगत मुद्दती निक्षेपको ब्याजदर ०.५ प्रतिशत बिन्दुले घटाएका हुन्।

यता ग्लोबल आइएमई बैंक, नबिल बैंक, नेपाल इन्भेस्टमेन्ट मेगा बैंक, नेपाल बैंक, एनआइसी एशिया बैंक, एनएमबी बैंक, प्रभु बैंक, राष्ट्रिय वाणिज्य बैंक तथा प्राइम कमर्सियल बैंकले भने पुस महिनाकै ब्याजदरलाई कायम राखेका छन्।

बैंकहरूले पछिल्लो समय तरलताको अवस्था सहज हुँदै गएको र कर्जाको माग अपेक्षाकृत कमजोर रहेको कारण ब्याजदर घट्दै गएको बैंकिङ क्षेत्रका जानकारहरूको भनाइ छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?