मोरङ ३ मा नेपाली कांग्रेसबाट सुनिल शर्मा उम्मेदवार

काठमाडौं। मोरङ प्रतिनिधिसभा निर्वाचन क्षेत्र नम्बर ३ मा नेपाली कांग्रेसबाट डाक्टर सुनिल शर्मा उम्मेदवार हुने भएका छन्। फागुन २१ गते हुने निर्वाचनका लागि भोलि मनोनयन दर्ताको कार्यक्रम तय भएको छ।

शर्माको नाम पार्टीका तल्ला तहबाट एकल रूपमा सिफारिस भएर आएको थियो। पार्टीबाट औपचारिक रूपमा टिकट पाएपछि उनी मोरङ प्रस्थान गरिसकेका छन्। शर्मा कांग्रेस नेता डा. शेखर कोइरालानिकट मानिन्छन्। नेपाली कांग्रेसले संसदीय बोर्ड गठन गरेर उम्मेदवार तय गर्ने परम्परा अनुसार शर्मालाई उम्मेदवार बनाएको हो।

यसअघि २०७९ सालको प्रतिनिधिसभा निर्वाचनमा पनि शर्मा यही क्षेत्रबाट निर्वाचित भएका थिए। सो निर्वाचनमा उनले नेकपा एमालेका उम्मेदवार भानुभक्त ढकाललाई फराकिलो मतान्तरले पराजित गरेका थिए। शर्मा ४८ हजार ६३१ मतसहित विजयी हुँदा ढकालले २५ हजार ८९५ मत मात्र प्राप्त गरेका थिए। राप्रपाकी उम्मेदवार रेखा थापाले १० हजार ९८८ मत ल्याएर तेस्रो स्थानमा सीमित भएकी थिइन्।

त्यस्तै, राष्ट्रिय स्वतन्त्र पार्टीका विकास उप्रेतीले ३ हजार १७२ मत तथा मंगोल नेशनल अर्गनाइजेसनका बिकेन्द्र राईले १ हजार ५२० मत पाएका थिए। २०७४ सालको निर्वाचनमा भने ढकालले नै शर्मालाई पराजित गरेका थिए। २०७९ मा ढकाललाई पराजित गर्दै शर्माले बदला लिएका थिए। डाक्टर शर्मा विराटनगरस्थित नोबेल मेडिकल कलेजका सञ्चालकसमेत हुन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन