नेपाली कांग्रेसले कोशी प्रदेशका १२ क्षेत्रको उम्मेदवार टुंगो लगायो

काठमाडौं । नेपाली कांग्रेसले कोशी प्रदेशका १२ निर्वाचन क्षेत्रको प्रतिनिधि उम्मेदवारको टुंगो लगाएको छ। पहिलो चरणमा पार्टीले हिमाली र पहाडी जिल्लाका उम्मेदवारलाई प्राथमिकता दिँदै आफ्नो सूची सार्वजनिक गरेको हो।

पार्टीले धनकुटा निर्वाचन क्षेत्रमा जिल्ला सभापति दिने राईलाई उम्मेदवार बनाएको छ भने तेह्रथुममा कांग्रेस जिल्ला सचिव सन्तोष सुब्बाले टिकट पाएका छन्।

यसैगरी, पाँचथरमा नरेन्द्र केरुङ, ताप्लेजुङमा गजेन्द्र तुम्याहाङ, इलाम-१ मा निष्कल राई, र इलाम-२ मा वरिष्ठ नेता भेषराज आचार्य उम्मेदवार बन्न पुगेका छन्।

उदयपुर-१ मा विदुर बस्नेत, उदयपुर-२ मा रामकुमार राई, खोटाङमा वीरकाजी राई, ओखलढुंगामा रामहरि खतिवडा, सोलुखुम्बुमा प्रकाशजंग कार्की, र मोरङ-३ मा सुनिल शर्माले टिकट पाएका छन्।

यद्यपि मोरङ-३ बाहेक झापा, मोरङ र सुनसरीका १४ निर्वाचन क्षेत्रका उम्मेदवारहरू अझै टुंगो लाग्न बाँकी छन्। साथै संखुवासभा र भोजपुर जिल्लाका उम्मेदवार पनि छिट्टै घोषणा हुने अपेक्षा गरिएको छ।

कांग्रेसका शीर्ष नेताहरूले हिमाली तथा पहाडी जिल्लामा बलियो उम्मेदवार खडा गरेर चुनावी तयारीलाई गति दिने रणनीति बनाएको विश्लेषकहरूले बताएका छन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन