सिटिजन लाइफले ५९ शाखा उप-शाखाका लागि माग्यो १२० भन्दा धेरै कर्मचारी, आइपिओ पछि आक्रामक रणनीति

काठमाडौं । सिटिजन लाइफ इन्स्योरेन्स कम्पनीले ५९ वटा शाखा तथा उप-शाखा कार्यालयका लागि शाखा तथा उप-शाखा प्रमुख, हेड अफ ब्रान्च र विजनेज डेभलपमेन्ट कोर्डिनेटरका पदमा कर्मचारी माग गरेको छ ।

सात वटै प्रदेश अन्तर्गत शाखा तथा उप-शाखाकालागि एकै पटक १२० भन्दा धेरै कर्मचारीकालागि दरखास्त आह्वान गरेको हो । कम्पनीले कोशी प्रदेश अन्तर्गतका विराटनगर, इटहरी, विर्तामोड, फिदिम, धनकुटा, तेह्रथुम, भोजपुर, सोलुखुम्बु र इहटीमा कर्मचारी माग गरिएको छ । मधेश प्रदेश अन्तर्गत जनकपुर, वीरगञ्ज, चन्द्रनिगाहापुर, लालबन्दी, राजविराज, सिराहा, गोलबजार, पोखरिया र वर्धहवामा कर्मचारी माग गरिएको छ ।

बागमती प्रदेश अन्तर्गत हेटौडा, नयाँ बानेश्वर, कान्तिपथ, चावहिल, कोटेश्वर, नारायणघाट, रामेछाप, चरिकोट, बट्टार, जरङ्खु, किर्तिपुर, टाडी, पेप्सिकोला, बन्धारा, चनौली, भक्तपुर र ललितपुरमा कर्मचारी आह्वान गरिएको छ । त्यस्तै गण्डकी प्रदेश प्रदेश अन्तर्गत, पोखरा, बागलुङ, लेखनाथ, दुलेगौडा, हेम्जा, भिमादमा कर्मचारी आवस्यक परेको हो ।

लुम्बिनी प्रदेश अन्तर्गत बुटवल, भैरहवा, कोहलपुर, नेपालगञ्ज, खजुरा, रामपुर पाल्पा, बंसगडढी, राजापुर रहेका छन् । कर्णाली प्रदेश अन्तर्गत विरेन्द्रनगर, दैलेख मुगु रहेका छन् भने सुदुरपश्चित प्रदेश अन्तर्गत धनगढी  महेन्द्रनगर, अत्तरिया टिकापुर, अछाम, बेलौरी र दिपायलमा कर्मचारी आह्वान गरिएको छ ।

न्युनतम योग्यता

शाखा तथा उपशाखा प्रमुखका लागि न्युनतम स्नातक तह उत्तीर्ण गरि कम्तिमा पनि बीमा क्षेत्रमा २ वर्षको कार्य अनुभव हुनु पर्नेछ । त्यस्तै विजनेस डेभपलपमेन्ट कोर्डिनेटरको लागि प्लस टु वा सो सरहको शैक्षिक योग्यता हासिल गरि केहि वर्षको कार्य अनुभव हुनुपर्ने कम्पनीले जनाएको छ ।

इच्छुक आवेदकले यहि असोज ३० गतेसम्ममा अनलाइन मार्फत आवेदन दिन सक्ने कम्पनीले जनाएको छ । कम्पनीको यो लिन्कमा गएर प्रकृयाँ अगाडी बढाउन सकिन्छ ।

कम्पनीले आफ्नो जीवन बीमा व्यवसायलाई देशव्यापी रुपमा विस्तार गर्न एकै पटक यति धेरै संख्यामा कर्मचारी माग गरेको हो । प्राथमिक शेयर निष्काशन पछि कम्पनीले आफ्नो पूँजी अनुसार आफ्नो क्षमता विस्तार गर्नु पर्नेछ । अन्य बीमा कम्पनीहरु मर्जर भएर ठुला हुँदै गर्दा कम्पनीले प्रिमियममा आइपिओ निष्काशन गरेर बढाएको पूँजी कोषलाई अधिकतम उपयोग गर्दै व्यवसाय विस्तारको रणनीतिमा अगाडी बढेको हो ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना