इरानको अमेरिकालाई चेतावनीः सानो गल्तीले क्षेत्रीय युद्ध निम्त्याउने

तेहरान ।  इरानका शीर्ष सैनिक नेतृत्वले अमेरिकालाई कडा चेतावनी दिएका छन्।

अमेरिकाबाट हुने सानो गल्तीको प्रतिक्रियाले नै पश्चिम एशियामा ठूलो स्तरको क्षेत्रीय युद्ध निम्त्याउन सक्ने इरानले चेतावनी दिएको हो।

इरानको आधिकारिक समाचार एजेन्सी इरनाका अनुसार इरानी सशस्त्र बलका चिफ अफ स्टाफ मेजर जनरल अब्दोलरहीम मुसावीले एक सैन्य इकाइको भ्रमणका क्रममा पश्चिम एशियामा भइरहेको अमेरिकी सैन्य तैनाथीको सन्दर्भमा उक्त टिप्पणी गरेका हुन्। उनले अमेरिकी नौसैनिक नाकाबन्दीको सम्भावनाप्रति प्रतिक्रिया जनाउँदै इरानलाई नाकाबन्दी गर्न नसकिने स्पष्ट पारे।

यसअघि अमेरिकी राष्ट्रपति डोनाल्ड ट्रम्पले विमानवाहक युद्धपोत अब्राहम लिंकन को नेतृत्वमा ठूलो सैन्य समूह इरानतर्फ अघि बढिरहेको र तेहरानलाई सम्झौताका लागि समय सकिँदै गएको चेतावनी दिएका थिए।

यसैबीच, इरानी सर्वोच्च नेता आयातोल्लाह अली खामेनीले अमेरिकाले युद्ध सुरु गरेमा त्यसको प्रभाव सम्पूर्ण क्षेत्रमा फैलिने बताएका छन्। उनका वरिष्ठ सल्लाहकार अली शामखानीले अमेरिकाबाट हुने जुनसुकै स्तरको सैन्य कारबाहीलाई युद्धको घोषणा मानिने र त्यसको तत्काल तथा अभूतपूर्व जवाफ दिइने चेतावनी दिएका छन्।

यी चेतावनीहरूले अमेरिका–इरानबीचको तनाव अझ चर्किएको संकेत गर्दै पश्चिम एशियाको सुरक्षा अवस्था थप संवेदनशील बन्दै गएको देखिन्छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन