अण्डाको मूल्य घट्यो, ठूलो प्रतिक्रेट ३७५ र मिडियम ३३५ रुपैयाँ

BFIS News
2026 Feb 09 17:12

अण्डाको मूल्य घट्यो, ठूलो प्रतिक्रेट ३७५ र मिडियम ३३५ रुपैयाँ

काठमाडौं । अण्डाको मूल्यमा उल्लेख्य गिरावट आएको छ। नेपाल लेयर्स कुखुरापालक संघले सोमबारदेखि लागू हुने गरी नयाँ समर्थन मूल्य सार्वजनिक गर्दै प्रतिक्रेट दर घटाएको जनाएको छ।

संघका अनुसार स्वदेशी उत्पादन वृद्धि र भारतबाट आयात बढेसँगै बजारमा आपूर्ति बढेपछि मूल्य घटाइएको हो। नयाँ दरअनुसार ठूलो अण्डाको मूल्य प्रतिक्रेट (३० वटा) ३७५ रुपैयाँ र मिडियम अण्डाको मूल्य ३३५ रुपैयाँ कायम गरिएको छ।

यसअघि माघ २२ गते ठूलो अण्डाको प्रतिक्रेट मूल्य ४३५ रुपैयाँ र मिडियम अण्डाको ४०५ रुपैयाँ निर्धारण गरिएको थियो। त्यसअघि माघ ११ गते ठूलो अण्डा ४९५ रुपैयाँ र मिडियम अण्डा ४७५ रुपैयाँसम्म पुगेको थियो।

संघका तथ्यांकअनुसार मंसिर महिनामा अण्डाको मूल्य हालसम्मकै उच्च स्तरमा पुगेको थियो, जहाँ ठूलो अण्डा प्रतिक्रेट ५६५ रुपैयाँ र मिडियम अण्डा ५५० रुपैयाँमा कारोबार भएको थियो।