आम्दानीमा तीव्र गिरावटपछि एनआरएन इन्फ्रास्ट्रक्चर दोस्रो त्रैमासमा नोक्सानीमा

काठमाडौं।  एनआरएन इन्फ्रास्ट्रक्चर एण्ड डेभलपमेन्ट (NRN) लिमिटेड चालु आर्थिक वर्षको दोस्रो त्रैमाससम्म आइपुग्दा नाफाबाट नोक्सानीमा गएको छ।

कम्पनीले सार्वजनिक गरेको अपरिष्कृत वित्तीय विवरणले आम्दानी घट्नु र लगानी बिक्रीमा घाटा देखिनुले वित्तीय परिणाम नकारात्मक बनेको देखाएको छ।

पुस मसान्तसम्मको विवरण अनुसार कम्पनीले ५२ लाख ९३ हजार रुपैयाँ नोक्सानी व्यहोरेको छ। गत आर्थिक वर्षको यही अवधिमा कम्पनीले ५ करोड ३७ लाख रुपैयाँ नाफा कमाएको थियो।

कम्पनीका अनुसार समीक्षा अवधिमा लगानी बिक्रीबाट १ करोड ८ लाख रुपैयाँ घाटा भएको छ। त्यस्तै लाभांश आम्दानी १४.०७ प्रतिशतले घटेको छ भने कुल आम्दानीमा ८५.३२ प्रतिशतको कमी आएको छ। सोही अवधिमा कम्पनीको कुल खर्च भने ९७.२२ प्रतिशतले बढेको छ।

नाफा घटेसँगै प्रतिशेयर आम्दानी (EPS) पनि ऋणात्मक बनेको छ। गत आर्थिक वर्षको दोस्रो त्रैमाससम्म ८ रुपैयाँ ३७ पैसा रहेको प्रतिशेयर आम्दानी यस वर्ष सोही अवधिमा ५९ पैसा ऋणात्मक पुगेको छ। दोस्रो त्रैमासको अन्त्यसम्म कम्पनीको प्रतिशेयर नेटवर्थ १७४ रुपैयाँ ४९ पैसा कायम रहेको छ।

कम्पनीको चुक्ता पूँजी १ अर्ब ७९ करोड ८१ लाख रुपैयाँ रहेको छ भने रिटेन्ड अर्निङ्ग ९६ करोड ६५ लाख रुपैयाँ रहेको विवरणमा उल्लेख छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन