रुकुमपूर्वको प्रारम्भिक मतगणनामा प्रचण्ड भारी अग्रतामा
- BFIS News
- 2026 Mar 06 10:05
रुकुमपूर्व, फागुन २२ गते । रुकुमपूर्वको प्रारम्भिक मतगणनामा नेपाली कम्युनिस्ट पार्टीका पुष्पकमल दाहाल (प्रचण्ड) भारी मतले अग्रता लिनुभएको छ।
भूमे गाउँपालिका–१, २, ३ र ४ को मत परिणाम आएको छ। जसमा २ हजार ६३५ मतगणना हुँदा प्रचण्डले १ हजार ४१५ मत प्राप्त गर्नुभएको जिल्ला निर्वाचन अधिकारी पुष्पराज शर्माले जानकारी दिनुभयो।
यसैगरी नेपाली कांग्रेसका सुकुस थापाले ४१७ मत, नेकपा एमालेका लीलामणि गौतमले ४३१ मत र राष्ट्रिय स्वतन्त्र पार्टीका लखन थापाले १७६ मत प्राप्त गर्नुभएको छ।
यसैगरी राप्रपाका रोशन शाहले ७ मत, जनमोर्चाका चन्द्रविक्रम शाहीले ६ मत, प्रलोपाका सन्दिप पुनले ३५ मत, मङ्गोल नेशनल अर्गनाइजेसनका ज्योती रोकाले ४५ मत, नेशनल रिपब्लिकका धर्मकुमार बुढाले ६ मत, नेकपा माओवादीका जुद्धबहादुर बुढाले १० मत र जसपाका सिरबहादुर बुढाले १ मत प्राप्त गर्नुभएको छ।
हालसम्म गणना भएको मतमध्ये ८६ मत बदर भएको छ। जिल्लामा ३४ हजार ७७२ मतदाता रहेकामा १९ हजार १८८ मत खसेको थियो।
![$adHeader[0]['title']](https://bfisnews.com/images/bigyapan/1760080292_64756700.gif)














प्रतिक्रिया