साजगोठेरी सामुदायिक वनमा ७ लाखभन्दा बढी भ्रष्टाचार आरोप, तीन जनाविरुद्ध विशेष अदालतमा मुद्दा दायर

काठमाडौं । सुर्खेतको भेरीगंगा नगरपालिका–१३ स्थित साजगोठेरी सामुदायिक वन उपभोक्ता समूहमा आर्थिक अनियमितता भएको आरोपमा तीन जनाविरुद्ध भ्रष्टाचार मुद्दा दायर गरिएको छ।

Commission for the Investigation of Abuse of Authority का प्रवक्ता सुरेश न्यौपानेका अनुसार तत्कालीन अध्यक्ष लोकबहादुर महतारा, सचिव मानकुमारी पौड्याल र कोषाध्यक्ष दलबहादुर बुढाविरुद्ध विशेष अदालत काठमाडौंमा आरोपपत्र दायर गरिएको हो।

अनुसन्धानअनुसार आर्थिक वर्ष २०७८/७९ मा कटान गरिएको करिब १ हजार क्यूफिट काठ बिक्री गर्दा प्राप्त हुनुपर्ने आम्दानीभन्दा ९५ हजार ११८ रुपैयाँ कम देखाई लेखापरीक्षण प्रतिवेदन तयार पारिएको पाइएको छ। सोही आधारमा रकम हिनामिना गरिएको निष्कर्ष निकालिएको छ।

त्यसैगरी काठ चिरानी खर्च ४ लाख ४० हजार रुपैयाँ देखाइए पनि वास्तविक खर्चभन्दा ३ लाख ६६ हजार ९१६ रुपैयाँ बढी खर्च देखाइएको पाइएको आयोगले जनाएको छ।

अनुसन्धानमा आर्थिक वर्ष २०७७/७८ मा वनहेरालुलाई २ लाख २० हजार रुपैयाँ भुक्तानी देखाइएको भए पनि वास्तविक रूपमा १ लाख ३० हजार रुपैयाँ मात्र भुक्तानी भएको पाइएको छ। बाँकी रकमका लागि झुट्टा भरपाई तयार गरिएको दाबी गरिएको छ।

त्यसैगरी घरभाडा बापत ५२ हजार रुपैयाँ खर्च देखाइए पनि घरधनीले हालसम्म ८ हजार रुपैयाँ मात्र प्राप्त गरेको बयान दिएका छन्।

आयोगका अनुसार विभिन्न शीर्षकमा गरिएका अनियमितताबाट कुल ७ लाख १५ हजार ९१६ रुपैयाँ बराबरको बिगो कायम गरी भ्रष्टाचार निवारण ऐन, २०५९ अनुसार सजाय मागदाबीसहित मुद्दा दायर गरिएको हो।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन