सिटिजन बैंकले खुला प्रतिस्पर्धाबाट डिसिओ नियुक्त गर्ने, एभरेष्ट र ज्योतिमा पनि रोजगारीको अवसर

काठमाडौं । सिटिजन बैंकले नायव प्रमुख कार्यकारी अधिकृत पदका लागि दरखास्त आह्वान गरेको छ । बैंकले नायव प्रमुख कार्यकारी अधिकृत पदका लागि खुला प्रतिस्पर्धा गराउने भएको हो । बैंक वित्तीय संस्थामा व्यवस्थापकीय तहमा रहेर कम्तिमा पनि ४ वर्ष त्यसमा पनि नायव प्रमुख कार्यकारी अधिकृत पदमै एक वर्षको कार्यानुभव हुनु पर्ने व्यवस्था गरिएको छ ।

स्नातकोत्तर तहमा कम्तिमा पनि ३ जिपिएर हालिस गरेको साथै चार्टर्ड एकाउन्टेन्ट, एसिसिए, सिएफए उपाधि हासिल गरेको भएमा उपयुक्त हुने बैंकले जनाएको छ । आवेदकको उमेर ४५ भन्दा ननाघेको हुनु पर्ने उल्लेखित योग्यतामा खुलाइएको छ । इच्छुक आवेदकले आगामी जनावरी २४ सम्ममा आवेदन दिन सक्ने छन् ।

त्यस्तै एभरेष्ट बैंकले भारतका लागि एक जना प्रतिनिधि प्रमुखको दरखास्त बह्वान गरेको छ । बैंकले नयाँ दिल्लीस्थित प्रतिनिधि कार्यालयका लागि सिफ रिप्रिजेन्टेभ अफिसरको दरखास्त खुला गरेको हो । बैंक वित्तीय संस्थामा कम्तिमा पनि १० वर्षको अनुभव जसमा भारतकै रिमिट्यान्स कार्यालयमा रहेर २ वर्षको काम गरेको हुनु पर्नेछ ।

कम्तिमा स्नातक तह उत्तीर्ण गरी ४० वर्ष ननाघेका व्यक्तिले आवेदन दिन सक्ने छन् । कार्यअवधि एक वर्षको तोकिएको छ । यस भन्दा पछि पनि नविकरण गर्न सकिने बैंकले जनाएको छ । इच्छुक आवेदकले जनावरी २४ सम्म अनलाइनबाटै आवेदन दिन सक्ने छन् ।

ज्योति विकास बैंकले पनि केहि संख्यामा चार्टर्ड एकाउन्टेन्टको लागि दरखास्त आह्वान गरेको छ । बैंकले ३५ वर्ष ननाघेका चार्टर्ड एकाउन्टेन्टलाई आवेदन दिने अनुरोध गरेको छ । चार्टर्ड एकाउन्टेन्सी अध्ययन गरेका साथै अनुभव नभएका व्यक्तिहरुले पनि आवेदन दिन सक्ने छन् । यसका लागि पनि जनावरी २४ सम्ममा आवेदन दिनु पर्नेछ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?