‘बजेट फ्रेन्डली’ हनिमुन

बहुराष्ट्रिय कम्पनी हनीफण्डले एक सर्वेक्षण गरेको थियो। यो सर्वेक्षण विवाह भएको ११ वर्षभन्दा बढी समय भइसकेका व्यक्तिहरूमा गरिएको थियो। ती मानिसहरूलाई दुई वर्गमा विभाजन गरिएको थियो। एक हनिमुनमा गएका थिए भने अर्को नगएकाहरू थिए ।

हनिमुनमा गएका ५९ प्रतिशत मानिस आफ्नो वैवाहिक जीवनबाट सन्तुष्ट रहेको सर्वेक्षणले देखायो। जबकि हनिमुनमा नगएका मानिसहरुमा यो संख्या ३५ प्रतिशत मात्रै थियो।

सुखी दाम्पत्य जीवनका लागि हनिमुनमा जान आवश्यक रहेको यस सर्वेक्षणबाट निष्कर्ष निकालियो।

तर अधिकांश मानिसको समस्या यो हो कि उनीहरुले विवाहमा धेरै पैसा खर्च गर्छन्। जसका कारण हनिमुन ट्रिप प्लान गर्दा उनीहरुको हात कसिलो हुन्छ। कम बजेटका कारण धेरैले फेरि कुनै समयमा जाउँला भन्दै यात्रा रद्द गर्छन्।

तर हनिमुनको आफ्नै समय हुन्छ। यदि तपाईंले त्यो विशेष समय गुमाउनुभयो भने तपाईंले पछि जतिसुकै यात्रा गरे पनि तपाईंले त्यो हनिमुनको अनुभव पाउनुहुने छैन।

हनिमुन फेज भनेको विवाहपछिको अवधि हो। जब दुबैजना एकअर्काका लागि नयाँ हुन्छन्। उनीहरु बिस्तारै एकअर्कालाई चिन्न थाल्छन्। यस्तो अवस्थामा, यी अनुभवहरू कैद गर्न यात्रा गर्न आवश्यक छ।

पहिले बजेट तय गर्नुहोस्, त्यसपछि योजना बनाउनुहोस्

तपाईंको बैंक खातामा रु ८/१० लाख हुन सक्छ। तर यो आवश्यक छैन कि त्यो सबै पैसा हनिमुनमा नै खर्च हुन्छ। यस्तो अवस्थामा तपाईले यस यात्रामा कति पैसा खर्च गर्नुहुनेछ भन्ने स्पष्ट बजेट हुनु धेरै महत्त्वपूर्ण छ।

तपाईको सबै योजना अब त्यो बजेटमा निर्भर हुनेछ। जस्तै तपाईले रेल वा हवाइजहाजको टिकट बुक गर्नु पर्ने, देश भित्र जाने वा विदेश, पाँच तारे होटेल वा तीन तारे होटेल यस्ता धेरै कुराहरू तपाईंको बजेटमा निर्भर हुन्छन्। त्यसैले आफ्नो बजेटको बारेमा स्पष्ट हुन धेरै महत्त्वपूर्ण छ। यी सबै प्रश्नको जवाफ बजेटले निर्णय गरेपछि पाउनुहुनेछ।

हनिमून गन्तव्य कसरी छनौट गर्ने?

यदि तपाईंले इन्टरनेटमा सबैभन्दा राम्रो हनिमुन गन्तव्य कुन हो भनेर खोज्नुभयो भने त्यसमा धेरै ठाउँहरूको सूची खुल्नेछ। यस्तो अवस्थामा कहाँ जाने भनेर निर्णय गर्न आफ्नो छनोटका साथै आफ्नो बजेटमा पनि विचार गर्नुहोस्।

तपाईंको बजेट भित्र रहेर भ्रमण गर्न सकिने ठाउँहरू सर्टलिस्ट गर्नुहोस्। तपाईंको र तपाईंको पार्टनरको प्राथमिकताहरूमा आधारित गन्तव्यलाई अन्तिम रूप दिनुहोस्।

बस्न, खान, घुम्न अन्य ठाउँको तुलनामा सस्तो हुने ठाउँ छनोट गर्नुभयो भने सोही बजेटमा धेरै दिन त्यहाँ बस्न सक्नुहुन्छ।

आफैं अग्रसर बन्नुस्

तपाईं आफैंले ट्रेन, बस वा उडानको टिकट बुक गर्न सक्नुहुन्छ। स्थान अनुसार सही होटेल छनौट गर्ने तरिका जान्नुहोस्, यात्रा सेवाहरू तुलना गर्नुहोस्, नक्सा राम्रोसँग प्रयोग गर्नुहोस्, ट्याक्सी चालकहरूसँग सम्पर्क गर्नुहोस् र उनीहरूसँग बार्गेनिङ गर्न सक्नुहुन्छ। यदि तपाईं नयाँ चुनौतीसँग डराउनु हुन्न भने तपाईं आफ्नो हनिमुनको योजना आफैं पनि बनाउन सक्नुहुन्छ।

यदि तपाईंलाई यात्रा कार्यक्रम बनाउन थप मद्दत चाहिन्छ भने तपाईं कुनै पनि प्रसिद्ध ट्राभल कम्पनीको वेबसाइट जाँच गर्न सक्नुहुन्छ। तिनीहरूको यात्रा कार्यक्रम पढ्नुहोस् र त्यो अनुसार आफ्नो योजना बनाउनुस्।

तर याद राख्नुहोस्, यदि तपाईसँग यात्राको अनुभव छैन, तपाई आफ्नो अनुसन्धानको समय बचत गर्न चाहनुहुन्छ, पर्यटकीय स्थानमा नयाँ चुनौती चाहनुहुन्न भने तपाईले राम्रो ट्राभल एजेन्टको सेवा लिन पनि सक्नुहुन्छ।

जति पहिले बुकिङ गर्नुहुन्छ त्यति नै धेरै पैसा बचत हुनेछ

उडान र होटल जस्ता सेवाहरूको दरहरू माग र आपूर्तिमा निर्भर हुन्छन्। यस्तो अवस्थामा बुकिङको मिति नजिकिँदै जाँदा त्यो मितिको माग पनि बढ्दै जान्छ। अर्थात कम समय ग्याप राखेर बुकिङ गर्दा महंगो पर्न जान्छ। तसर्थ, ढिलो बुकिङ नगर्नुस्। योजना पहिले नै बनाउनुस् र केही समय अघि नै होटललगायत फ्लाइट टिकट बुकिङ गरिहाल्नुस्।

विदाका दिनमा जाँदा पर्न सक्छ महंगो

यदि तपाई कम पैसामा तपाईको हनिमुन राम्रोसँग रमाइलो गर्न चाहनुहुन्छ भने विदाका दिनहरुमा नजानुस्। विदाका दिनभन्दा अन्य दिन अर्थात अफ सिजनमा होटल र अन्य सेवाहरू सस्तो हुन्छन्।

साथै यस्ता दिनहरुमा पर्यटकीयस्थलमा खासै भीडभाड पनि हुँदैन। यस्तो अवस्थामा तपाईं ट्याक्सी र अन्य गतिविधिहरूका लागि ‘बार्गेनिङ’ गर्न सक्नुहुन्छ। भीड कम भएपछि तपाईंले कम खर्चमा शान्तपूर्वक आफ्नो हनिमुन इन्जोय गर्न सक्नुहुन्छ।

ट्याक्सी भन्दा भाडामा लिइएका गाडीहरू हुन सक्छन् सस्तो

धेरैजसो पर्यटकीय स्थलहरूमा ट्याक्सीको भाडा तपाईंको उडान र होटेलभन्दा महँगो पनि पर्न जाने हुन्छ। यसबाट बच्न तपाईं यी स्थानहरूमा भाडाका सेवाहरू प्रयोग गर्न सक्नुहुन्छ। आफैं स्कुटर, बाइक वा कार भाडामा लिएर घुम्न सक्नुहुन्छ।

गाडी भाडामा लिएको दिन टाढाका सबै ठाउँ घुम्न सकिन्छ। यस्तै नजिकका ठाउँहरुमा पैदल हिँड्न सक्नुहुन्छ। यसरी सँगै हिँड्दा आत्मियता अझ बढ्छ भने पैसा पनि बचत हुन्छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन