तपाईलाई पर्यो सर्वोत्तम सिमेन्टको आइपिओ, कतिमा होला पहिलो कारोबार ? कतिसम्म पुग्ला शेयर मूल्य ?

काठमाडौं । सर्वत्तम सिमेन्टको आइपिओ ५५ हजार ५२१ जनाले हात पारेका छन् । उनिहरु मध्ये २६ जनाले ५१ कित्ता र अरुले ५० कित्ताका दरले शेयर प्राप्त गरेका हुन् । 

बुक विल्डिङ विधिबाट पहिलो पटक आइपिओ निष्काशन गरेको सर्वोत्तम सिमेन्टको आइपिओमा न्युनतम ५० कित्ताको लागि आवेदन दिनु पर्ने व्यवस्था थियो भने लगानीकर्ताहरुले पनि न्युनतम ५० कित्ता शेयर प्राप्त गरेका हुन् । लगानीकर्ताले प्राथमिक बजारमै प्रतिकित्ता ३६०.९ रुपैयाँको दरले ५० कित्ताका लागि १८ हजार ४५ रुपैयाँ भुक्तानी गरेका छन् । 

कतिमा होला पहिलो कारोबार

यति धेरै पैसा हालेर खरिद गरिएको कम्पनीको शेयर दोस्रो बजारमा भने न्युनतम १८५.३६ रुपैयाँदेखि अधिकतम ५५६.०८ रुपैयाँबाट सुरु हुनेछ । यदि दोस्रो बजारमा सूचिकृत भएको भोलिपल्ट ओपनिङ सेसनमा जुन मूल्यमा पहिलो म्याचिङ हुन्छ त्यहि मूल्यबाट घटबढ सुरु हुनेछ । 

यदि पहिलो कारोबार अधिकतम मूल्यमै भयो भने लगानीकर्ताले पहिलो दिनमै १९५ रुपैयाँ फाइदा कमाउने छन् । यहि मूल्यमा शेयर बिक्री गरियो भने पनि १९५ रुपैयाँको दरले ९ हजार ७५९ रुपैया मुनाफा हुनेछ ।

यस भन्दा अगाडी प्राय पहिलो कारोबार अधिकतम रेञ्जबाटै सुरु हुने गरेको पाइन्छ । बुक विल्डिङ विधिबाट आइपिओ निष्काशन हुँदा कम्पनीले प्रारम्भिक रुपमा निर्धारण गरेको मूल्य भन्दा धेरै कममा झरेको थियो ।

कम्पनीले जारी पूँजी ४ अर्ब ६५ करोडको १२.९० प्रतिशत अर्थात ६० करोड कित्ता शेयर मध्ये आयोजना प्रभावित र वैदेशिक रोजगारीम गएका नेपालीका लागि आइपिओ निष्काशन गरेको थियो । वैदेशिक रोजगारमा गएका नेपालीले आह्वान गरे जति सबै शेयर खरिद गरेका थिए । जहाँ मागे जति सबैले शेयर हात पारेका हुन् । तर प्रभावित क्षेत्रका बासिन्दाले भने शेयर खरिद गर्न चाहेनन् । यसरी प्रभावितले खरिद नगरेको ६ लाख ८१ हजार ५३० कित्ता शेयर पनि सर्वसाधारणका लागि बिक्री गरिएको थियो । 

यसरी प्रभावितले खरिद नगरेको सहित कुल २७ लाख ७६ हजार ७६ कित्ता शेयर सर्वसाधारणका लागि निष्काशन गरिएकोमा सामुहिक लगानीकोषहरुका लागि एक लाख ५४ हजार २२७ कित्ता र कर्मचारीका लागि पनि ५४ लाख २२७ कित्ता शेयर बाँडफाँड गरिएको छ । म्युचुअल फण्डले अवको ६ महिनासम्म दोस्रो बजारमा बिक्री गर्न पाउने छैनन् । 

कम्पनीले प्राथमिक बजारबाट एक अर्ब ५६ करोड ५४ लाख रुपैयाँ प्रिमियम संकलन गरेको छ । प्राथमिक शेयर निष्काशन पछि चुक्ता पूँजी ४ अर्ब ६५ करोड पुगेको छ । कम्पनीले प्राथमिक शेयर पश्चात ६० करोड पूँजी र एक अर्ब ५६ करोड प्रिमियम सहित २ अर्ब १६ करोड ५४ लाख उठाएको हो । अहिले नै कम्पनीको जगेडा कोषमा साढे तीन अर्ब भन्दा माथि रहेको छ । आइपिओ निष्काशन पछि ५ अर्ब नाघ्नेछ । यस हिसावले कम्पनीले आगामी वर्षमा आकर्षक लाभांश दिन सक्नेछ । यसले गर्दा पनि कम्पनीको प्राथमिक शेयरमा सर्वाधिक आकर्षण देखिएको थियो । माग भन्दा २० गुणा बढि आवेदन परेको थियो । 

अवको तीन वर्षसम्म कम्पनीको संस्थापक शेयर दोस्रो बजारमा फ्लट हुने छैन । यसले गर्दा अवको बुलमा सर्वोत्तमले शेयर मूल्यमा सर्वाधिक नयाँ रेकर्ड बनाउने निश्चित छ । त्यसमा पनि सर्वसाधारणका लागि एक दमै कम शेयर मात्रै फ्लट भएको हुँदा कम्पनीको शेयरमा लगातार सर्किट लाग्नेछ । 

सर्वोत्तम सिमेन्टको शेयर मूल्यमा आउन सक्ने बढोत्तरीलाई ध्यानमा राख्दै लगानीकर्ताहरुले अन्य सिमेन्ट कम्पनीको शेयर मूल्य पनि बढाइरहेका छन् । कम्पनीले प्रिमियमबाट संकलन भएको केहि रकम दीर्घकालिन कर्जा भुक्तानीमा प्रयोग गर्नेछ भने यसै वर्ष लाभांश दिन सक्ने अवस्थामा छ । शेयर बजार अहिलेको अवस्थामा सर्वाधिक तल्लो विन्दुमा झरेकाले अवको बुलमा सर्वोत्तम ब्लुचिप कम्पनीको रुपमा स्थापित हुन सक्ने  विश्लेषण गरिएको छ । 

अघिल्लो बियरिस मार्केटमा प्रिमियम सहित आइपिओ निष्काशन गरेको शिवम् सिमेन्टको शेयर मूल्य गएको बुलमा धेरै नै बढ्यो । कम्पनीको शेयर मूल्य १७ सयसम्म पुग्यो । जतिवेला शिवमले प्रिमियमबाट लगातार दुई तीन वर्ष आकर्षक लाभांश वितरण गर्यो । यसले गर्दा तत्कालका लागि कम्पनीको शेयर मूल्य अधिकतम १००० रुपैयाँसम्म पुगे पनि बजार बढ्दो क्रममा अगाडी बढ्यो भने यस पटकको सर्वाधिक आकर्षक शेयरमा सर्वोत्तम पर्नेमा दुई मत छैन । यसले गर्दा कम्पनीको आइपिओ खरिद कर्ताले एक वर्ष कुर्ने हो भने हिजोका दिनमा शिवम् सिमेन्टको शेयर मूल्य हाराहारीमा पुग्ने निश्चित छ । तर बजार धेरै सुधार हुने अवस्था रहेन भने पनि कम्पनीको शेयर मूल्य शिवम, घोराहीको भन्दा राम्रै मूल्य कायम गर्ने देखिन्छ । 

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?