माछापुच्छ्रे बैंकको नाफा १० प्रतिशतले बृद्धि, वितरण योग्य मुनाफामा सुधार सँगै लाभांश दिने क्षमता बढ्यो

काठमाडौं । माछापुच्छ्रे बैंकले गत आर्थिक वर्ष २०७९/८० मा ९.८ प्रतिशतले मुनाफा बढाउन सफल भएको छ । बैंकले गत वर्ष एक अर्ब ८५ करोड रुपैयाँ मुनाफा गरेको छ । अघिल्लो वर्षको मुनाफा एक अर्ब ६८ करोड रुपैयाँ थियो ।

यस वर्ष वितरण योग्य मुनाफामा पनि उल्लेख्य बृद्धि भएको छ । यस वर्ष वितरण योग्य मुनाफा एक अर्ब ५६ करोड रुपैयाँ रहेको छ । वितरण योग्य मुनाफाबाटै प्रतिशेयर आम्दानी १५.२९ रुपैयाँ रहेको छ ।

खुद व्याजद आम्दानी १० प्रतिशतले बढेर ५ अर्ब ३८ करोड रुपैयाँ आर्जन गरेको छ । यस वर्ष कर्जा विस्तार भने १.६ प्रतिशतले घटेको छ । निक्षेप भने ६.३ प्रतिशतले बढेको छ । समिक्षा अवधिमा बैंकले एक खर्ब ५४ अर्ब रुपैयाँ निक्षेप संकलन गरी एक खर्ब २६ अर्ब रुपैयाँ कर्जा विस्तार गरेको छ ।

गएको वर्ष मुनाफा वितरण गर्न नपाएको बैंकको यस वर्ष जगेडा कोष २४ प्रतिशतले बढेको छ । जगेडा कोषमा ४ अर्ब ४६ करोड रुपैयाँ जम्मा भएको छ । चुक्ता पूँजी १० अर्ब २५ करोड रुपैयाँ छ ।

पूँजीकोष अनुपात  १३.५७ प्रतिशत रहेको बैंकको खराव कर्जा भने १.०८ प्रतिशत विन्दुले बढेको छ । असारसम्ममा खराव कर्जा २.१२  प्रतिशत पुगेको छ । त्यस्तै कष्ट अफ फण्ड पनि ८.०७ प्रतिशत छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?