मर्जर पछि प्रभु बैंकका सम्पुर्ण सूचकमा सुधार, खुद व्याज आम्दानी ७८ प्रतिशतले बढ्यो

काठमाडौं । प्रभु बैंकले सेन्चुरी बैंकलाई मर्ज गरे सँगै सम्पुर्ण वित्तीय सूचकमा उल्लेख्य सुधार देखिएको छ । मर्जर पछि बैंकको खुद व्याज आम्दानी ७८ प्रतिशतले बढेको छ ।

गत आर्थिक वर्ष २०७९/८० मा बैंकको मुनाफा ४८ प्रतिशतले बढेको छ । समिक्षा अवधिमा बैंकले २ अर्ब ८२ करोड रुपैयाँ मुनाफा आर्जन गरेको छ । गत वर्षको यहि अवधिमा प्रभु बैंक एक्लैले एक अर्ब ९० करोड रुपैयाँ मुनाफा आर्जन गरेको थियो ।

यस वर्षमा बैंकले सञ्चुरीलाई गाभे सँगै खुद व्याज आम्दानी १० अर्ब २५ करोड रुपैयाँ आर्जन गरेको छ । जवकी यस भन्दा अघिल्लो वर्ष ५ अर्ब ४० करोड थियो । आर्थिक मन्दीले कर्जा विग्रिए पछि खराव कर्जा पनि ह्वात्तै बढेको छ । खराव कर्जा २.३० प्रतिशतले विन्दुले बढेर ४.१६ प्रतिशत पुगेको छ । खराव कर्जा बढे सँगै बैंकले २ अर्ब ४३ करोड रुपैयाँ बराबरको लोन लस प्रोभिजनिङ गर्नु परेको छ । यदि खराव कर्जालाई प्रोभिजनिङ गर्नु नपरेको भए बैंकले अन्य बाणिज्य बैंकहरुलाई उछिन्ने अवस्थामा पुग्थ्यो ।

निक्षेप संकलन ६१ प्रतिशतले बढ्दा कर्जा विस्तार ६३ प्रतिशतले भएको छ । समिक्षा अवधिमा बैंकले २ खर्ब ८९ अर्ब रुपैया निक्षेप संकलन गरी २ खर्ब ३८ अर्ब रुपैयाँको कर्जा विस्तार गरेको छ । एनएफआरएस अनुसार बैंकले धेरै वटा विषयमा रेगुलेटरी एडजस्टमेन्ट गर्नु परेकाले वितरण योग्य मुनाफा धेरै देखिन्छ । तर लेखापरिक्षण पश्चात यस्तो रकम आफै सुधार हुनेछ ।

चुक्ता पूँजी २३ अर्ब ५४ करोड रुपैयाँ रहेको छ भने जगेडा कोषमा १० अर्ब २ करोड जम्मा भएको छ । मुनाफाका आधारमा प्रतिशेयर आम्दानी १२ रुपैयाँ रहेको छ । यस वर्ष जगेडा कोष बलियो भएकाले बैंकले जगेडाबाटै बोनस शेयर दिएर पूँजी बढाउन सक्ने अवस्था रहेको छ ।  

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?