एनएमबी बैंकको खुद व्याज आम्दानी ३० % ले बढ्यो, मुनाफा ३ अर्ब ४१ करोड सहित अधिकाम्स सूचकमा सुधार

काठमाडौं । एनएमबी बैंकले चालु आर्थिक वर्ष २०७९/८० मा ३०.६० प्रतिशतले खुद व्याज आम्दानी बढाउन सफल भएको छ । बैंकले गत आर्थिक वर्षमा ८ अर्ब ३४ करोड रुपैयाँ खुद व्याज आम्दानी गरेको छ । जवकी यस भन्दा अघिल्लो वर्षमा ६ अर्ब ३८ करोड मात्रै थियो ।

त्यस्तै मुनाफा पनि ३.६३ प्रतिशतले बढेर तीन अर्ब ४१ करोड रुपैयाँ आर्जन गरेको छ । गत वर्षको यहि अवधिमा बैंकले तीन अर्ब २९ करोड रुपैयाँ मुनाफा आर्जन गरेको थियो । समिक्षा अवधिमा बैंकले १३.७९ ले निक्षेप सुधार गर्दै ८.२२ प्रतिशतले कर्जा विस्तार गरेको छ । बैंकले २ खर्ब १० अर्ब रुपैयाँ निक्षेप संकलन गरी एक खर्ब ८९ अर्ब रुपैयाँ कर्जा लगानी गरेको हो ।

यस वर्ष बैंकको वितरण योग्य मुनाफा एक अर्ब ५० करोड रुपैयाँ देखिएको छ । यस्तो मुनाफा लेखापरीक्षण पछि फरक पर्न सक्छ । खुद मुनाफाका आधारमा बैंकको प्रतिशेयर आम्दानी १८.१७ रुपैयाँ छ ।

चुक्ता पूँजी १८ अर्ब ३६ करोड रुपैयाँ रहेको बैंकको जगेडा कोष २५ प्रतिशतले बढेर ८ अर्ब ७४ करोड रुपैयाँ पुगेको छ । पूँजी कोष अनुपात १२.८ प्रतिशत रहेको बैंकको खराव कर्जा भने १.२७ प्रतिशत विन्दुले बढेर २.७२ प्रतिशत पुगेको छ । यस वर्ष आर्थिक मन्दी र कोभिड १९ को अन्तिम प्रभाव बजारमा देखिएको छ ।  स्प्रेडदर ४.०५ प्रतिशतबाट ३.९९ प्रतिशतमा झरेको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?