आक्रामक बैंकहरुको अगाडी राष्ट्रिय बाणिज्य बैंकको भलादमी बैंकिङ व्यवसाय, ४ अर्ब ९१ करोड मुनाफा

काठमाडौं । आक्रामक बैंकहरुको अगाडी राष्ट्रिय बाणिज्य बैंकले चामत्कारिक प्रस्तुती दिएको छ । नीजी स्तरका बाणिज्य बैंकहरुको खराव कर्जा बढ्दै गर्दा राष्ट्रिय बाणिज्य बैंकको भने नियन्त्रणमा छ । अन्य बैंकहरुको भन्दा कम व्याजदर र गुणस्तरीय बैंकिङ व्यवसायलाई जोड दिएका कारण बाणिज्य बैंकको सबै सूचकहरु स्वस्थकर छन् ।

गत आर्थिक वर्ष २०७९/८० मा बैंकले  १४.५४ प्रतिशतले मुनाफा बढाउन सफल भएको छ । बैंकले गत वर्ष ४ अर्ब ९१ करोड रुपैयाँ मुनाफा आर्जन गरेको छ । जवकी यस भन्दा अघिल्लो आर्थिक वर्षमा ४ अर्ब २९ करोड थियो ।

बैंकको खुद व्याज आम्दानी पनि ३२ प्रतिशतले बृद्धि भएको छ । बाणिज्य बैंकले कर्जा प्रवाह गर्दा ऋणीका सम्पुर्ण विवरण हेर्ने भएकाले पनि बैंकको खराव कर्जा नियन्त्रणमा छ । यस्तो खराव कर्जा ०.८६ प्रतिशत विन्दुले बढेर २.९५ प्रतिशत छ । कुनै समयमा बाणिज्य बैंकको खराव कर्जा ५ प्रतिशत भन्दा माथि थियो । बैंकले पछिल्ला ४/५ वर्षमा खराव कर्जालाई पुर्ण रुपमा नियन्त्रण गरेको छ । तर यस वर्ष आर्थिक सिथिलताका कारण सम्पुर्ण बैंकहरुको खराव कर्जामा धेरै नै बृद्धि देखिन्छ । अन्य बैंकको भन्दा सस्तो व्याजदर त्यसमा पनि ऋणी छानेर मात्रै कर्जा प्रवाह गर्ने भएकाले राष्ट्रिय बाणिज्य बैंकको बैंकिङ व्यवसाय निजीको तुलनामा भलादमी देखिएको हो ।

चुक्ता पूँजि १५ अर्ब ६३ करोड रुपैयाँ रहेको छ । समिक्षा अवधिमा बैंकले २४ प्रतिशतले निक्षेप बढाएको छ भने ९.४३ प्रतिशतले कर्जा विस्तार गरेको छ । यस अवधिमा बैंकले ३ खर्ब २१ अर्ब रुपैयाँ निक्षेप संकलन गरी २ खर्ब ३० अर्ब कर्जा लगानी गरेको छ ।

बैंकको स्प्रेडदर पनि अन्य बैंकहरुको तुलनामा तलै छ । असार मसान्तसम्ममा यस्तो स्प्रेडदर ३.९८ प्रतिशत छ । कष्ट अफ फण्ड पनि ६.११ प्रतिशत मात्रै छ । बैंकको प्रतिशेयर आम्दानी ३३ रुपैयाँ छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?