माइक्रोफाइनान्सले १५ प्रतिशत भन्दा माथिको लाभांशको ३५ प्रतिशत रकम ग्राहक संरक्षण कोषमा राख्नै पर्ने

काठमाडौं । लघुवित्त वित्तीय संस्थाले मुनाफाको एक प्रतिशत रकम ग्राहक संरक्षण कोषमा जम्मा गरेर मात्रै खर्च गर्न राष्ट्र बैंकले सचेत गराएको छ । लघुवित्त वित्तीय संस्थाको नाफाको केहि हिस्सा ग्राहकको हितमा खर्च होस् भन्ने उद्देश्यले नाफाको एक प्रतिशत रकम र १५ प्रतिशत भन्दा बढी लाभांश वितरणको प्रस्ताव गरेमा १५ प्रतिशतभन्दा माथिको प्रस्तावित लाभांशको ३५ प्रतिशतले हुने रकम अलग्गै ग्राहक संरक्षण कोषमा जम्मा गर्नु पर्ने व्यवस्था रहेको छ । 

राष्ट्र बैंकले लघुवित्त वित्तीय संस्थालाई मर्जरमा जानका लागि दवाव दिने उद्देश्यले यस्तो व्यवस्था गरेको हो । अर्को तर्फ लघुवित्त वित्तीय संस्थाले गाउँ गाउँमा गएर चर्को व्याजदरमा कर्जा लगानी गरेर उच्चतम प्रतिफल प्रदान गरेको भन्दै आरोप लागे पछि राष्ट्र बैंकले लाभांशमा प्रतिवन्ध लगाउदै आएको छ ।

लघुवित्त वित्तीय संस्थाले उक्त कोषमा जम्मा भएको रकम समस्यामा परेका ऋणीको व्यवसायको सुरक्षण एवम् पुनर्स्थापना गर्ने, ग्राहकको शिक्षा र क्षमता विकास गर्ने, ग्राहकका सन्तानको विद्यालयस्तरको शिक्षा, स्वास्थ्य तथा पोषण जस्ता सामुहिक हित हुने कार्यमा मात्र खर्च गर्नुपर्छ ।

थोक कर्जा उपलब्ध गराउने लघुवित्त वित्तीय संस्थाले यस्तो कोषको रकम ग्राहक संस्थाका सदश्यको वित्तीय साक्षरता अभिबृद्धिसम्बन्धी कार्यक्रममा समेत खर्च गर्न सक्छन् । यसरी खर्च भएको रकमसम्बन्धी विवरण संस्थाको वार्षिक प्रतिवेदनमा स्पष्ट रुपमा खुलाउनुपर्छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?