नेपाल राष्ट्र बैंकमा ६० प्रतिशत कर्मचारीको योग्यता स्नातकोत्तर, १४ जना पिएचडी होल्डर ५८ जनाको एसएलसी

काठमाडौं । नेपालमा सरकारी जागिर मध्ये सबैभन्दा धेरै आकर्षण नेपाल राष्ट्र बैंकको जागिरमा देखिन्छ । राष्ट्र बैंकले सन् २०१७ मा १०६ जना कर्मचारीका लागि दरखास्त आह्वान गर्दा ४४ हजार ८९५ जनाको आवेदन परेको थियो । तुलनात्मक रुपमा पछिल्ला दिनमा आवेदन दिनेको अनुपात कम हुँदै गए पनि सरकारी जागिरको तयार गर्नेहरु मध्ये राष्ट्र बैंकको जागिरका लागि नसोच्ने कमै होलान् ।

राष्ट्र बैंकले सहायक र अधिकृत स्तरमा कर्मचारी भर्ना गर्दै आएको छ । कुनै समय राष्ट्र बैंकमा ३३०८ जनासम्म कर्मचारी थिए । अहिले राष्ट्र बैंकमा १०८२ जना छन् । राष्ट्र बैंकले कोर बैंकिङ छाडे सँगै कर्मचारीमा भारी कटौती गरेको हो । राष्ट्र बैंकका कर्मचारी अन्य सरकारी निकायका अफिसर भन्दा स्मार्ट छन् भन्ने विश्वास गरिन्छ ।

कुल कर्मचारी मध्ये यहाँ १४ जनाले पिएचडी र १४ जनाले नै एमफिल गरेका छन् । ६०.८ प्रतिशत कर्मचारीले स्नातकोत्तर उत्तीर्ण गरेका छन् । सहायका स्तरकै कर्मचारीहरु मध्ये १०७ जनाले स्नातकोत्तर गरेका छन् । २६२ जना सहायक द्धितिय मध्ये ७२ जनाले स्नातकोत्तर गरेका छन् । राष्ट्र बैंकमा स्नातकोत्तर गर्नेको संख्या ६०७ जना रहेको छ ।

राष्ट्र बैंकमा ५३ जना चार्टर्ड एकाउन्टेन्ट छन् । स्नातक गर्नेको संख्या जम्मा १८६ रहेको छ । त्यस्तै प्लस टु योग्यता भएका कर्मचारी जम्मा ६७ जना छन् भने एसएलसी वा सो भन्दा कम योग्यता भएका कर्मचारीको संख्या ५८ जना छ ।

राष्ट्र बैंकमा २ प्रतिशत विशिष्ट श्रेष्णीका अधिकृत छन् । त्यस्तै निर्देशक तहका कर्मचारी ५ प्रतिशत, दोस्रो श्रेणीका अफिसर १८ प्रतिशत, तेस्रो श्रेणीका अफिसर २७ प्रतिशत, सहायक प्रथम श्रेणीका १५ प्रतिशत, सहायक द्धितीय श्रेणीका २४ प्रतिशत र एक प्रतिशत सहायक तेस्रो श्रेणीका कर्मचारी छ । राष्ट्र बैंकमा कुल कर्मचारी मध्ये पुरुषको संख्या ७५ प्रतिशत छ भने महिनाको संख्या जम्मा २५ प्रतिशत मात्रै छ ।

राष्ट्र बैंकमा रहेका कर्मचारीहरु मध्ये औषत उमेर ४० वर्ष रहेको छ । एक तिहाइ कर्मचारी ३१ वर्षदेखि ४० वर्ष उमेर समुहका छन्  । अधिकृत स्तरका कर्मचारीको औषत उमेर ५२.०८ वर्ष रहेको छ । त्यस्तै सहायक दोस्रो तहका कर्मचारीको औषत उमेर ३३ वर्ष छ । सहायक तेस्रो श्रेणीका कर्मचारीको औषत उमेर ५१ वर्ष छ । राष्ट्र बैंकले पछिल्लो समय सहायक तेस्रो श्रेणीमा नयाँ भर्ना लिने गरेको छैन ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?