सगरमाथा जलविद्युतको ४.७५ प्रतिशत बोनस सेयर घोषणा, डाक्यो वार्षिक साधारणसभा

काठमाडौं । सगरमाथा जलविद्युत कम्पनीले ५ प्रतिशत लाभांश घोषणा गरेको छ । कम्पनीको कात्तिक ८ गते बसेको सञ्चालक समितिको बैठकले ४.७५ प्रतिशत बोनस सेयर र कर तिर्न ०.२५ प्रतिशत नगद लाभांश (कर तिर्न) घोषणा गरेको हो ।

उक्त प्रस्ताव पारित गर्न यस कम्पनीले आगामी मंसिर १४ गते साधारण सभा बोलाएको छ । सभा स्मार्ट दरबार, शंखरपार्क, काठमाडौंमा बिहान ९ बजे सुरु हुनेछ । 

सभामा आर्थिक वर्ष २०८०/८१ को सञ्चालक समितिको वार्षिक प्रतिवेदन, वासलात, नाफा नोक्सानलगायतका विषयमा छलफल हुनेछ । त्यस्तै, आर्थिक वर्ष २०८१/८२ का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि छ । सभा प्रयोजनका लागि यस कम्पनीले कात्तिक २६ गते बुक क्लोज गर्ने भएका छ । 

कात्तिक २१ गतेसम्म कायम रहने सेयरधनी मात्र सभामा भाग लिन योग्य हुनेछन् । कात्तिक २२ गते सार्वजनिक विदा, २३ गते शुक्रबार, २४ गते शनिबार र २५ गते पनि सार्वजनिक विदा परेको हुँदा कात्तिक २१ गतेसम्म कायम सेयरधनीले लाभांश पाउन सक्नेछन् । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन