हकप्रद शेयर निष्काशन सँगै घलेम्दी हाइड्रोपावर नाफामा देखियो, विद्युत बिक्री आम्दानी ९६ प्रतिशतले बृद्धि

काठमाडौं । हकप्रद शेयर निष्काशन पछि घलेम्दी हाइड्रोपावर पहिलो पटक मुनाफामा देखिएको छ । कम्पनीले २०० प्रतिशत हकप्रद शेयर निष्काशन गरेर दीर्घकालिन कर्जा घटाए सँगै व्याज खर्च घट्दा नाफामा देखिएको हो । 

चालु आर्थिक वर्षको पहिलो त्रैमाससम्म आइपुग्दा घलेम्दी हाइड्रोपावरले ७४ लाख ७४ हजार रुपैयाँ खुद नाफा कमाएको छ । अघिल्लो वर्षको यसैअवधिमा यस कम्पनी ३ करोड १३ लाख ३४ हजार रुपैयाँ नोक्सानमा थियो । 

समिक्षा अवधिमा कम्पनीको विद्युत बिक्रीबाट हुने आम्दानी पनि ९६.३३ प्रतिशतले बढेर ४ करोड ६६ हजार रुपैयाँ आर्जन गरेको छ । अघिल्लो वर्ष विद्युत् बिक्रीबाट यस कम्पनीले २ करोड ३ लाख ७७ हजार रुपैयाँ आम्दानी गरेको थियो । यस कम्पनीको वित्तीय खर्च पनि घटेको छ । यसले पनि खुद नाफा बढाउन सहयोग पुगेको हो ।

गत वर्ष २ करोड ८७ लाख १२ हजार रुपैयाँ रहेको वित्तीय खर्च यो वर्ष २ करोड ४ लाख ४८ हजार रुपैयाँमा सीमित भएको छ । असोज मसान्तसम्म यस कम्पनीको चुक्ता पुँजी १ अर्ब ६५ करोड रुपैयाँ रहेको छ । प्रतिसेयर आम्दानी ४५ पैसा र प्रतिसेयर नेटवर्थ ९८ रुपैयाँ ९१ पैसा छ । कम्पनीको चुक्ता पूँजी ५५ करोडबाट एक अर्ब ६५ करोड पुगेको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन