नेपाल लाइफका एक मात्रै 'वन डे एमडिआरटी' राम बहादुर ओलीको निधन, अभिकर्ता संघ तथा बीमा क्षेत्रलाई अपुरणीय क्षति

काठमाडौं । नेपाल लाइफका एक मात्रै 'वन डे एमडिआरटी' राम बहादुर ओलीको निधन भएको छ । उपचारका क्रममा उनको नेपालगञ्ज अस्पतालमा आज विहान १२ बजे निधन भएको हो । 

ज्वरो आएपछि उनलाई शनिवार घोराही अस्पताल लगिएको थियो । परिक्षणका क्रममा उनलाई टाइफाइड देखिए पछि थप उपचारका लागि नेपालगन्ज अस्पताल लगिएको थियो ।  

ओलीको निधनले पेशागत बीमा अभिकर्ता संघ तथा नेपाल लाइफलाई अपुरणीय क्षति पुगेको पेशागत बीमा अभिकर्ता संघका महासचिव ओम केसीले बताए । ओली शुक्रवार पनि नेपाल लाइफको तुलसीपुर शाखाका प्रमुख सँग नयाँ बीमा पोलिसीका लागि छलफल गरिरहेका थिए । अस्पताल जानु भन्दा अगाडी हिजो शनिवार पनि शाखा प्रमुख सँगै उनको कुराकानी भइरहेको थियो ।

२०४१ सालमा रुकुममा जन्मिएका ओलीले नेपाल लाइफको दाङको तुलसीपुर शाखाबाट जीवन बीमा व्यवसाय गर्दै आइरहेका थिए ।अभिकर्ता पेशामा एकदमै सफल उनले सन् २०२५ का लागि पहिलो दिनमै एमडिआरटीको लक्ष्य हासिल गरेका थिए । 

उनि सन् २०२१ देखि लगातार ४ पटक एमडिआरटी बन्दै आइरहेका थिए । उनको निधनले नेपाल लाइफलाई ठुलो धक्का पुगेको कम्पनीले जनाएको छ ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना