![$adHeader[0]['title']](https://bfisnews.com/images/bigyapan/1726498142_960x100.gif)
शेयर बजार ३१.३१ अंकले घट्यो, ८ अर्ब २५ करोडको कारोबार, अनावश्यक राजनीतिक हल्लाले लगानीकर्ता त्रसिद
- BFIS News
- 2024 Nov Thu 15:16
काठमाडौं । साताको अन्तिम दिन नेप्से सूचक ३१.३१ अंकले घटेको छ । बिहीबार नेप्से सूचक १.१५ प्रतिशतले घटेर २६६०.४४ अंकमा झरेको छ । सूचक सँगै कारोबार रकम पनि ८ अर्ब २५ करोडको मात्रै भएको छ ।
राजनीतिक गतिविधि तरल देखिए सँगै शेयर बजारमा लगानीकर्ता त्रसिद देखिएका छन् । प्रधानमन्त्रीले चीन भ्रमण गर्ने कुराले राजनीतिक गतिविधि तरल देखिएको हो ।
आज १९७ वटा कम्पनीको शेयर मूल्यमा गिरावट आएको छ भने ४३ वटा कम्पनीको शेयर मूल्यमा भने सुधार देखिएको छ । सामुदायिक लघुवित्त र स्टार हाइड्रोपावरको शेयर मूल्यमा भने सर्किट लागेको छ । विकास बैंक र फाइनान्सको शेयर मूल्यमा सबैभन्दा धेरै गिरावट देखिएको छ । दुबै सूचकमा गएका दिनमा उच्च दरले सुधार देखिएको थियो ।
समग्र आर्थिक अवस्था तथा बैंकको व्याजदर र लिक्वीडीले शेयर बजारलाई साथ दिए पनि राजनीतिक गतिविधि केहि होला भन्ने डरले भने लगानीकर्तालाई त्रसिद बनाइरहेको छ । अन्यथा शेयर बजारमा डराउने अवस्था भने छैन ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया