सिन्धु विकास बैंकको प्रमुख कार्यकारी अधिकृतमा चार्टर्ड एकाउन्टेन्ट सुरेश देवकोटा, बैंक वित्तीय संस्थामा २ दशकको अनुभव

काठमाडौं । सिन्धु विकास बैंकले खुला प्रतिस्पर्धाबाट चार्टर्ड एकाउन्टेन्ट सुरेश देवकोटालाई प्रमुख कार्यकारी अधिकृतमा नियुक्त गरेको छ । बैंकको मंसिर २५ गते बसेको सञ्चाक समितिको बैठकले आगामी ४ वर्षका लागि देवकोटालाई प्रमुख कार्यकारी अधिकृतमा नियुक्त गरेको हो । बैंकले एक महिना अगाडी प्रमुख कार्यकारी अधिकृतको विज्ञापन खुला गरेको थियो । 

उनि यस अगाडी नबिल बैक लिमिटेडको सहायक कम्पनी नबिल सेक्युरिटिज लिमिटेडको प्रमुख कार्यकारी अधिकृत थिए । सेक्युरिटिजमा एक वर्षको अनुभव सँगै उनि पुनः बैंकिङमा फर्किने क्रममा सिन्धु विकास बैंकको कमाण्डिङ गर्न आइपुगेका हुन् । 

२०६२ सालमा नेपाल बैक लिमिटेडबाट बैंकिङ करियर सुरु गरेका उनीसँग १५ वर्ष लामो समयसम्म नेपाल बंगलादेश बैंकमा काम गरेको अनुभव छ । नबिल बैंकले नेपाल बंगलादेश बैंकको प्राप्ती पश्चात् उनले प्रमुख लगानी अधिकृतको जिम्मेवारी पाएका थिए ।

व्यावसायिकरूपमा चार्टर्ड एकाउन्टेन्ट रहेका देवकोटा नेपाल चार्टर्ड एकाउन्टेन्ट संस्था (आईक्यान) का पूर्व पार्षद् तथा नेपाल लेखामान बोर्डका पूर्व सदस्य समेत हुन् ।

त्रिभुवन विश्वविद्यालयबाट व्यवस्थापन संकायमा स्नातकोत्तर गरेका उनी नेपाल ग्रामीण विकास बैंक, आईएमई जनरल इन्स्योरेन्स लगायतका संस्थाहरूमा सञ्चालक सदस्यको रूपमा पनि कार्य गरिसकेका छन् ।

वित्तीय क्षेत्र र पूँजी बजारमा विशेष दख्खल राख्ने उनको नेतृत्वमा सिन्धु विकास बैंकले उत्कृष्ट कार्यसम्पादन गर्ने विश्वास बैंकको सञ्चालक समितिले लिएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?