सिद्धार्थ बैंकको सञ्चालक समितिको अध्यक्षमा राहुल अग्रवाल, व्यापार तथा उद्योग क्षेत्रमा २२ वर्षको अनुभव

काठमाडौं । सिद्धार्थ बैंकको सञ्चालक समितिको अध्यक्षमा राहुल अग्रवाल चयन भएका छन् । उनि २३ औं वार्षिकसाधारणसभाबाट सञ्चालक समितिको सदश्यमा पुनःनिर्वाचित भएका थिए । 

अग्रवाल संस्थापक शेयरधनीको प्रतिनिधित्व गर्दै वि.स. २०७७ साल माघ १६ गते देखि सञ्चालक समिति सदस्य रहदै आएका थिए । हाल उनि बैंकको कर्मचारी सेवा सुविधा समितिको संयोजक समेत छन् । Middlesex University, London बाट एम.बी.ए.सम्मको अध्ययन गरेका ४६ वर्षिय अग्रवाल नेपालको उद्योग व्यापार क्षेत्रमा २२ वर्षदेखि आबद्ध छन् ।

त्यस्तै, रिलायन्स ग्रुप अफ नेपालका कार्यकारी सञ्चालक, रिलायन्स सुपरटेक सिमेन्ट प्रा.लि., रिलायन्स सिमेन्ट प्रा.लि., अन्नपूर्ण
क्वारिज प्रा.लि. तथा रिलायन्स पेपर मिल्स प्रा.लि.मा सञ्चालक रहेका अग्रवाल रिलायन्स ट्रेड सेन्टरको प्रोप्राईटर समेत हुन् । उनिसँग नेपाल तथा भारतका विभिन्न बैंकहरुमा कार्य गरेको अनुभवसमेत रहेको छ ।

बैंकको २३ औं वार्षिक साधारणसभाले संस्थापक शेयरधनी समुहबाट विरेन्द्र कुमार शाह, राहुल अग्रवाल र दिनेश शंकर पालिखेलाई निर्वाचित गरेको छ भने सर्वसाधारण शेयरधनीहरुको समुहबाट अंकित केडिया र भोजन अर्याललाई निर्वाचित गरेको थियो । नव निर्वाचित कार्यसमितिले अग्रवाललाई अध्यक्षको जिम्मेवारी प्रदान गरेको हो । यस सँगै २०७२ साल पुस २१ गतेदेखि सञ्चालक समितिको अध्यक्ष रहदै आएका मनोज कुमार केडिया पदबाट बाहिरिएका छन् । उनले यस अवधिमा सिद्धार्थ बैंकलाई मर्जर विनानै आफ्नो अस्तित्व बचाएर मर्जर पछिका शक्तिशाली बैंकहरुसँग पनि प्रतिस्पर्धी बैंकको रुपमा स्थापित गराउन सफल भएका छन् ।   

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन