![$adHeader[0]['title']](https://bfisnews.com/images/bigyapan/1726498142_960x100.gif)
सिटिजन लाइफको आइपिओमा आवेदन दिने आज अन्तिम दिन, ११ लाख ७ हजारको आवेदन
- BFIS News
- 2023 Sep Tue 06:24
काठमाडौं । सिटिजन लाइफले माग भन्दा धेरै कित्ताको लागि आवेदन परे सँगै आजदेखि प्राथमिक शेयरको निष्काशन बन्द गर्ने भएको छ । सिडिएससीका अनुसार कम्पनीको आइपिओमा ११ लाख ७ हजारले एक करोड २४ लाख कित्ताको लागि आवेदन दिएका छन् ।
कम्पनीले अंकित मूल्य १०० रुपैयाँमा १४४ रुपैयाँ प्रिमियम थप गरेर प्रति कित्ता २४४ रुपैयाँको दरले शेयर निष्काशन गर्नेछ । न्युनतम १० कित्तादेखि अधिकतम १५ लाख कित्तासम्मको लागि आवेदन दिन सकिनेछ ।
तर प्राथमिक शेयर बाँडफाँडको प्रणालीलाई हेर्दा कम्पनीको प्राथमिक शेयरमा न्युनतम १० कित्ता भन्दा धेरैका लागि आवेदन दिनु पर्ने देखिदैन । कम्पनीको शेयर ९ लाख जनाले पाउने छन् ।
आईपीओ निष्काशनपछि कम्पनीको चुक्ता पुँजी ३ अर्ब ७५ करोड पुग्ने छ । कम्पनीमा संस्थापकहरुले २ अर्ब ६२ करोड ५० लाख लगानी गरेका छन् । कम्पनीले कुल पुँजीको ३० प्रतिशत आईपीओ निष्काशन गरेको हो । कम्पनीले यस अघि नै श्रम स्वीकृति लिई वैदेशिक रोजगारीमा रहेका नेपालीलाई शेयर निष्काशन गरि बाँडफाँड गरिसकेको छ ।
कम्पनीले न्युनतम चुक्ता पूँजी ५ अर्ब जुटाउनु पर्ने हुन्छ । यसका लागि कम्पनीलाई एक अर्ब २५ करोड आवस्यक पर्छ । कम्पनीले आफ्नो जगेडा कोषमा भएको रकम र प्रिमियम मार्फत आर्जन भएको रकम मार्फत सहजै उक्त रकम बोनस शेयर मार्फत दिन सक्ने देखिन्छ । त्यसैले कम्पनीले कम्तिमा पनि ३४/३५ प्रतिशत लाभांश दिनेछ ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया