आयल निगमले बढायो पेट्रोल, डिजेल र हवाई इन्धनको भाउ, समायोजित मूल्य अब कुनमा कति ?

काठमाडौं। नेपाल आयल निगमले पेट्रोल डिजेल र हवाई इन्धनको मूल्य समायोजन गरेको छ। सञ्चालक समितिको निर्णय अनुसार शुक्रबार रातिदेखि लागू हुनेगरि इन्धनको मूल्य समायोजन गरिएको हो। निर्णय अनुसार पेट्रोलमा प्रति लिटर दुई रुपैयाँ, डिजेल र मट्टितेलमा प्रति लिटर चार रुपैयाँ मूल्य बढाइएको हो।

निगमका अनुसार हवाई इन्धनमा आन्तरिकतर्फ प्रति लिटर ६ रुपैयाँ मूल्य बढाइएको छ। अन्तर्राष्ट्रियतर्फ काठमाडौंका लागि प्रति किलोलिटर ४३ अमेरिकी डलर मूल्य बढाइएको छ। निगमले खाना पकाउने एलपी ग्यासको मूल्य भने यथावत् राखेको छ।

बढेको मूल्य अनुसार पेट्रोल अब पहिलो वर्गमा प्रति लिटर १६४ रुपैयाँ ५० पैसामा कारोबार हुनेछ। यस्तै, दोस्रो र तेस्रो वर्गमा क्रमशः १६६ र १६७ रुपैयाँ प्रति लिटर कारोबार हुनेछ। यस्तै, डिजेल र मट्टितेल पहिलो वर्गमा १५७ रुपैयाँ ५० पैसामा कारोबार हुनेछ। दोस्रो र तेस्रो वर्गमा क्रमशः १५९ र १६० रुपैयाँमा कारोबार हुनेछ। हवाई इन्धन आन्तरिक १३२ रुपैयाँ प्रति लिटरमा कारोबार हुनेछ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन