![$adHeader[0]['title']](https://bfisnews.com/images/bigyapan/1726498142_960x100.gif)
सिटिजन लाइफको आइपिओमा ४ अर्ब ९ करोडको आवेदन, ६ लाख १० हजारको हात खालि हुने
- BFIS News
- 2023 Sep Tue 18:09
काठमाडौं । सिटिजन लाइफको आइपिओमा ४ अर्ब ९ करोड रुपैयाँको आवेदन परेको छ । सिडिएससीका अनुसार कम्पनीको प्राथमिक शेयरका लागि १५ लाख १० हजारले आवेदन दिएका छन् ।
कम्पनीले सर्वसाधारणका लागि प्रिमियममा ९० लाख कित्ता शेयर जारी गरेको थियो । अंकित मूल्य १०० रुपैयाँमा १४४ रुपैयाँ प्रिमियम थप गरेर प्रति कित्ता २४४ रुपैयाँको दरले शेयर निष्काशन गर्दा पनि सर्वसाधारणको आकर्षण देखिएको छ । कम्पनीको प्राथमिक शेयरमा १.८६ गुणा बढि आवेदन परेको छ । ९० लाख कित्ताका लागि आवेदन खुला गर्दा एक करोड ६७ लाख कित्ताका लागि आवेदन परेको हो ।
कम्पनीले भदौ १५ गतेदेखि आवेदन खुला गरेको थियो । पहिलो चरणमै माग भन्दा बढिको लागि आवेदन परे पछि आजै बिक्री बन्द गर्ने निर्णय गरेको हो । कम्पनीको शेयर ९ लाख जनाले १० कित्ताको दरले पाउने छन् । तर १५ लाख १० हजारको आवेदन परेको हुँदा ६ लाख १० हजारको हात खालि हुने देखिएको छ ।
आईपीओ निष्काशनपछि कम्पनीको चुक्ता पुँजी ३ अर्ब ७५ करोड पुग्ने छ । कम्पनीमा संस्थापकहरुले २ अर्ब ६२ करोड ५० लाख लगानी गरेका छन् । कम्पनीले कुल पुँजीको ३० प्रतिशत आईपीओ निष्काशन गरेको हो । कम्पनीले यस अघि नै श्रम स्वीकृति लिई वैदेशिक रोजगारीमा रहेका नेपालीलाई शेयर निष्काशन गरि बाँडफाँड गरिसकेको छ ।
कम्पनीले न्युनतम चुक्ता पूँजी ५ अर्ब जुटाउनु पर्ने हुन्छ । यसका लागि कम्पनीलाई एक अर्ब २५ करोड आवस्यक पर्छ । कम्पनीले आफ्नो जगेडा कोषमा भएको रकम र प्रिमियम मार्फत आर्जन भएको रकम मार्फत सहजै उक्त रकम बोनस शेयर मार्फत दिन सक्ने देखिन्छ । त्यसैले कम्पनीले कम्तिमा पनि ३४/३५ प्रतिशत लाभांश दिनेछ ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया