शेयर बजारमा फर्किए लगानीकर्ता, पुरानो रेकर्ड ब्रेक गर्ने सम्भावना बढ्यो, गभर्नर अधिकारीको बाहिरिदै गर्दा बजार हौसियो

काठमाडौं । शेयर बजारमा सानादेखि ठुला लगानीकर्ता फर्किएका छन् । यसमा संस्थागत लगानीकर्ताले पनि लगानी बढाएका छन् । बजारले पुरानो रेकर्ड तोड्ने भन्दै लगानीकर्ता हौसिएका छन् । 

शेयर बजारले २८ सयको अवरोधलाई तोडे सँगै ट्रेडर पनि हाबी भएका छन् । यस अवधिमा सबैभन्दा धेरै ट्रेडरले कारोबार बढाएका छन् । लगानीकर्ताले आफु सँग भएको बचत, पुरानो पोर्टफेलियो र बैंकबाट कर्जा लिएर कारोबार बढाउदा नेप्सेको समग्र कारोबार रकम नै बढेको हो । यहि हिसावले बजार बढ्दै गयो भने बजारले ३४ सयसम्मको यात्रा तय गर्ने विश्लेषकहरु बताउछन् । यस विचमा बजारमा केहि करेक्सन सँगै सुधार हुने उनिहरुको विश्लेषण छ । 

पछिल्ला दिनमा हाइ क्यापका कम्पनी पनि चल्न थालेका छन् । नेपाल पुनर्बीमा कम्पनी र हिमालयन रिइन्स्योरेन्स कम्पनी सर्वाधिक कारोबार हुने पहिलो दोस्रो नम्बरमा पर्दै आएका छन् । कुनै समयको शेयर बजारको किङ हिमालयन डिष्ट्रिलरीको शेयरमा आज सकारात्मक सर्किट लागेको छ । 

आज नेपाल लाइफको शेयरमा पनि सकारात्मक सर्किट लागेको छ । नेपाल लाइफको शेयर पनि दुई पुनर्बीमा कम्पनीको शेयर हाराहारीमा पुग्ने भन्दै लगानीकर्ता होमिएका छन् । लामो समय सुस्ताएका फाइनान्सको शेयरमा पनि चार्मिङ बढेको छ । १९६ वटा कम्पनीको शेयर मूल्यमा सुधार आउदा ४४ वटाको शेयर मूल्य बढेको छ । आज १४ अर्ब २५ करोडको कारोबार हुँदा नेपाल पुनर्बीमा कम्पनीको ९७ करोड ५३ लाख रुपैयाँको कारोबार भएको छ ।  

यस्तो छ शेयर बजार बढ्नुको कारणहरु 

१. नेपाल राष्ट्र बैंकले शेयर बजार मौद्रिक समिक्षा सार्वजनिक गरे सँगै शेयर बजारमा सुधार आएको विश्लेषकहरु बताउछन् । शेयर बजारका विरोधी गभर्नर मानिएका महाप्रसाद अधिकारीको कार्यकालको अन्तिम महिना सुरु भएको सँगै लगानीकर्ता हौसिएका हुन् । गभर्नर अधिकारीको कार्यकाल चैत २२ गते सकिदैछ । उनि केहि दिन अगाडी मात्रै विदामा बस्नेछन् । तर बजारमा चलेको हल्ला जस्तो एक महिना अगाडी नै विदामा नबस्ने नेपाल राष्ट्र बैंकका सहायक सूचना अधिकारी भागवत आचार्यले बताए । 

२. शेयर बजार तीन हजार अंकबाट २४ सयसम्म तल झर्दा कम्पनीको शेयर मूल्य निकै तल झर्यो । यस विचमा आइपिओ निष्काशन गरेर आएका केहि कम्पनीको शेयर मूल्य उच्चतम विन्दुमा पुगेको छ । साथै हकप्रद र बोनस शेयर पनि सूचीकृत भएको छ । यसले गर्दा नेप्से सूचक ३ हजार पुग्दा पनि तीन हजार अंकको समयमा रहेको मूल्य तीन पुग्दा पनि हुने छैन । केहि कम्पनीलाई अपवाद मान्ने हो भने अझै पनि धेरै कम्पनीको शेयर मूल्य निकै तल छ । पहिलाको तीन हजारको समयको मूल्य कायम हुँदा नेप्से सूचक कम्तिमा पनि ३४ सय अंक हुनु पर्ने विश्लेषकहरु बताउछन् । 

३. बैंकहरुको कर्जा लगानी अवका दिनमा धेरै बढ्ने अवस्था छैन । यसले गर्दा अव भदौ महिनासम्म सिडी रेसियो बढ्ने अवस्था आउदैन । जसले गर्दा बैंकहरु सँग प्रयाप्त तरलता हुनेछ । यसले पनि अवको भदौसम्म बजार बढ्दो ट्रेण्डमै रहने निश्चित छ । 

४. व्याजदर सबैभन्दा तल्लो तहमा रहेकाले निक्षेप कर्ताले बैंकमा बचत जम्मा गर्नु भन्दा शेयर बजारमा लगानी गर्दा बढी फाइदाजनक हुने अवस्था छ । 

५. संस्थागत लगानीकर्ता तथा ब्रोकरले कारोबार रकम बढाएका छन् । यसले गर्दा सप्लाइ भन्दा पनि डिम्याण्ड क्रियट गरेको छ । 

६. साना ठुला लगानीकर्ताहरुको राम्रो प्रवेश भएको छ । अहिले ब्रोकरहरुलाई शेयर कारोबार मिलाउन भ्याइ नभ्याइ छ । 

७. पोर्टफेलियो बढ्दै गर्दा विद्यमान लगानीकर्ताकै कारोबार क्षमता बढेको छ । नाफा बुक गर्दै नयाँ शेयर थप्दै जाने क्रमले पनि कारोबार र सूचक दुबैलाई सपोर्ट गरेको छ । 

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?