कर्जा आवश्यक परे हामी छौं है भन्ने सिद्धार्थ बैंक पाउँदा हौसला मिलेको छ, लक्ष्मण न्यौपानेको बैंकिङ अनुभव

काठमाडौं । आफ्नै ठाउँ पनौती–११, बल्थली, काभ्रेमा पहिल्यैदेखि केही गरौँ भन्ने सपना थियो । काठमाडौंको व्यस्त जीवनशैलीमा लामो समय बित्यो, तर मनले जहिले पनि आफ्नो गाउँ सम्झिरहन्थ्यो । घर फर्केर केही नयाँ गर्ने सोच दिमागमा खेलिरहन्थ्यो । अन्ततः घर फर्किने निर्णय भयो । तर, के गर्ने त ? धेरै सोचविचारपछि पर्यटन क्षेत्रमै केही गरौँ भन्ने निष्कर्षमा उनी पुगे ।

घरपरिवारका सदस्यभित्रैबाट मिलेर थुम्की रिसोर्ट सञ्चालनमा ल्याए । ‘सुरुबाटै हाम्रो उद्देश्य केवल पैसा मात्र कमाउने रहँदै रहेन । यहाँको परिवेश, समाज र स्थानीयलाई पनि कसरी लाभ पुर्याउन सकिन्छ भनेर सोच्यौँ,’ उनले भने । अहिले थुम्की रसोर्ट एउटा राम्रो व्यवसायको रूपमा सञ्चालन भइरहेको छ । कम्तीमा कोही पुगेपछि त्यहाँ नअडिने र नरम्ने कमै हुने उनको दाबी छ । उनका अनुसार रिसोर्टमा एकपटक पुगेपछि मान्छे पटकपटक आउँछन् ।

अप्ठ्यारो बाटो भए पनि मान्छे दोहोरिएर आएका पर्याप्त रेकर्ड छन् । सुरुवातको ६ महिनाको बीचमा एक जना ग्राहक त छपटकसम्म आएको रेकर्ड छ, जसलाई उनी आफ्नो व्यावसायिक सम्पत्ति ठान्छन् । उनी ग्राहकको माया नै आफ्नो ठूलो कमाइ हो भन्ने ठान्छन्, जसले अझै राम्रो गर्न प्रेरित गरेको छ ।

अर्कोतर्फ, पछिल्लो समय विदेशी पाहुनाहरूको इन्क्वाइरीसमेत बढ्न थालेको छ । ‘कति समय त यस्तो छ, आउन खोज्नेलाई नाइँ भन्नुपरेको अवस्था छ । आउन खोज्नुहुन्छ, तर प्याक भएकाले समय सार्न भन्नुपर्ने अवस्था छ,’ उनले सुनाए ।

उनी थप्छन्, ‘व्यवसाय सुरुवात गर्दा पहिलो १ वा २ वर्षसम्म पिकअप लिन गाह्रै हुन्छ । त्यसमाथि होटल लाइन आफैँमा ग्राहकलाई सुस्तरी बानी पारेर ल्याउने खालको व्यवसाय पर्छ । विकास र विस्तार गर्न समय लाग्छ । खानासँग जोडिएको व्यवसाय हो यो । त्यसैले यसमा धेरै संवेदनशील हुनु जरुरी हुन्छ । जुन हामी गरिरहेका छौँ ।’ यसरी व्यवसाय गर्ने प्रक्रियामा आर्थिक कर्जाको पनि आवश्यक पर्छ । सबै आफ्नै पैसाले मात्र व्यवसाय गर्छु भन्न सम्भव हुँदैन ।

त्यसैले सुरुवातमा उनलाई पनि पैसा आवश्यक पर्यो । त्यतिबेला सिद्धार्थ बैंकले वित्तीय सहयोग गरेको र त्यसैको जगमा रहेर आफूले व्यवसाय खडा गरेको उनी बताउँछन् । ‘यो बैंकसँग मेरो धेरै पुरानो सम्बन्ध छ । सेवा मन परेर र विश्वास लागेर नै मैले सिद्धार्थ बैंकसँग कारोबार गरेको हुँ,’ उनले भने ।

उनका अनुसार सुरुमा व्यावसायिक योजना सिद्धार्थ बैंकलाई सुनाएपछि सो बैंकले अन्त जान पर्दैन, यहीँ (सिद्धार्थ बैंक)बाट सबै फाइनान्सको व्यवस्था हुन्छ भनेर भन्यो । यसरी आफ्ना सेवाग्राहीलाई सम्झाउने र आर्थिक सहयोग गर्ने बताएपछि उनलाई पनि सहज भयो । पुरानो सम्बन्ध र विश्वासले नै यो अवस्था ल्याएको थियो । सेवाग्राहीलाई गर्ने सिद्धार्थ बैंकको व्यवहारले पनि यहीसँग जोडिएर काम गर्न मन पर्यो ।

यसरी एउटा बैंकसँगको सुमधुर सम्बन्धले अहिले अन्य कारोबार पनि यहीँबाट गर्न थालेको उनले सुनाए । त्यसपछि पनि विभिन्न कर्जा सिद्धार्थ बैंकबाटै उनले लिएका छन् । कर्जा आवश्यक परे हामी छौँ है भन्ने बैंक पाउँदा हौसला मिलेको उनले सुनाए ।

यसलाई थप विस्तार गर्ने योजना हाम्रो छ । हाम्रोचाहिँ अरुको तुलनामा राम्रो भइरहेको छ । व्यवसाय सुरु गरेको पहिलो महिनामै हामी ब्रेकइभनमा थियौँ । अहिले रिसोर्ट मज्जाले सस्टेन भएको छ,’ उनले भने, ‘राम्रो व्यवसायमा हात हालेछु भन्ने लागेको छ । त्यसैले म अरुलाई पनि हामी युवापुस्ताले देशमै रहेर व्यवसाय गर्न अनुरोध गर्छु ।’

सिद्धार्थ बैंकका ग्राहकहरुको सफलताका कथाहरु

१. सिद्धार्थ बैंकबाट महिला उद्यमशील कर्जा लिएर आफ्नो व्यवसायलाई फेरि उकासेर लयमा ल्याउदै सीतामैया दाखुवा

२. उर्जा उद्यमी सुदीपकुमार चौधरीको सफलताको कथा: 'मेरो उन्नतिमा सधै सम्झिने नाम भनेकै सिद्धार्थ बैंक हो'

३. कर्जाको सदुपयोग गर्न सफल झलकप्रसाद सुवेदी 'सिद्धार्थ बैंकले मलाई विश्वास गरेर दिएको साथ जीवनमै बिर्सन नसक्ने क्षण हो' 

४. कर्जा आवश्यक परे हामी छौं है भन्ने सिद्धार्थ बैंक पाउँदा हौसला मिलेको छ, लक्ष्मण न्यौपानेको बैंकिङ अनुभव

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?