एनएमबी बैंकको प्रमुख कार्यकारी अधिकृतमा गोविन्द घिमिरे नियुक्त, तीन दशकको बैंकिङ अनुभव

काठमाडौं । एनएमबी बैंकको प्रमुख कार्यकारी अधिकृतमा गोविन्द घिमिरे नियुक्त भएका छन् । बैंकको सञ्चालक समितिले घिमिरेलाई आगामी चार वर्षको लागि प्रमुख कार्यकारी अधिकृतको जिम्मेवारी सुम्पिएको हो ।  

बैंकिङ क्षेत्रमा तीन दशकको अनुभव हासिल गरिसकेका घिमिरेलाई बैंकले दुई वर्ष अगाडी नायब महाप्रबन्धकबाट नायब प्रमुख कार्यकारी अधिकृतमा बढुवा गरेको थियो । एनएमबी बैंले यस पटक पनि आफैले प्रमुख कार्यकारी अधिकृत तयार पारेको हो । 

यस भन्दा अगाडीका प्रमुख कार्यकारी अधिकृत सुनिल केसी पनि एनएमबी बैंककै सक्सेसर हुन् । उनले दुई कार्यकाल पुरा गरेर बैंकबाट विदा भएका छन् । केसी भन्दा अगाडी उपेन्द्र पौडेलले १७ वर्ष बैंकको बागडोर सम्हालेका थिए । केसी २०७३ चैत एक गते बैंकको प्रमुख कार्यकारी अधिकृत भएका थिए । 

विग मर्जरको बाढीमा बैंकलाई जोगाउन सक्नु नै केसीको ठुलो सफलता देखिएको छ । मर्जर पछि निकै पछुताइरहेका अन्य बैंकहरुलाई हेर्दा केसीको नेतृत्वदायी भुमिका परिपक्व देखिएको छ । यद्यपी कोभिड महामारी पछिको आर्थिक मन्दीमा भने बैंकले खराव कर्जाको भने सामना गर्नु पर्यो । केसीको कार्यकाल यहि फागुन मसान्तसम्ममा सकिदैछ । केसीको दोस्रो नियुक्ति २०७७ चैत एक गतेदेखि लागु भएको थियो । बैंक नेतृत्वले समयमै प्रमुख कार्यकारी अधिकृत चयन गर्दै बैंकलाई अगाडी बढाउन सफल देखिएको छ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?