नेप्सेको सीइओको लागि ५ जनाको नाम ‘सर्टलिस्ट’

काठमाडौं । नेपाल स्टक एक्सचवेन्ज लिमिटेड (नेप्से) को प्रमुख कार्यकारी अधिकृत पदको लागि आवेदन दिएकामध्ये ५ जनाको नाम अन्तरवार्ताको लागि ‘सर्टलिस्ट’ गरिएको छ । ‘सर्टलिस्ट’ मा पर्नेमा चुडामणी चापागाईं, नारद कुमार लुइटेल,  पूर्ण प्रसाद आचार्य, बद्रि प्रसाद प्याकुरेल र हेमन्त बश्याल रहेका छन् ।

नेप्सेको प्रमुख कार्यकारी अधिकृत पदको लागि १० जनाले आवेदन दिएका थिए । उनीहरुबाट नेप्से सीइओ नियुक्तिको लागि गठित सिफारिस समितिले ५ जनाको नाम ‘सर्टलिस्ट’ गरेको हो । 

नेपाल स्टक एक्सचेञ्ज (नेप्से) मा प्रमुख कार्यकारी अधिकृतको लागि १० जनाको आवेदन परेको थियो । आवेदन दिनेमा नेप्सेबाट हालै बिदा भएका प्रमुख कार्यकारी अधिकृत कृष्ण बहादुर कार्की, सिडीएस एण्ड क्लियरीङका प्रमुख कार्यकारी अधिकृत पूर्ण प्रसाद आचार्य लगायत छन् । यस्तै नुवाकोटका बद्रि प्रसाद प्याकुरेल, सलार्हीका नारद कुमार लुइटेल, झापाका युवराज दहालले पनि आवेदन दिएका थिए ।

यस्तै काभ्रेपलाञ्चोकका प्रविण अधिकारी, झापाका चुडामणि चापागाई, सिराहाका बिमल कुमार तिवारी, पाल्पाका हेमन्त बस्याल र डडेलधुराका मुकुन्दराज जोशीले आवेदन दिएका हुन् । आवेदन दिने हेमन्त बस्याल एनआरएन इन्फ्रास्ट्रक्चर एण्ड डेलभपमेन्ट कम्पनीका प्रमुख कार्यकारी अधिकृत हुन् ।

जनार्दन शर्मा अर्थमन्त्री हुँदा नेप्सेको सीईओमा नियुक्त भएका कार्कीले ४ वर्षे नियुक्तिपत्र पाउनुपर्नेमा ३ वर्षको मात्रै नियुक्तिपत्र बुझेपछि कार्की गत माघबाट नै नेप्सेबाट बिदा भएका थिए । कार्की बिदा भएपछि रिक्त रहेको नेप्सेको सीईओ नियुक्तिका लागि अर्थमन्त्रालयले सहसचिवको नेतृत्वमा छनोट समिति बनाएको थियो । 

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?