दोस्रो बजारमा शेयर मूल्य बढाउन गार्डियनको हकप्रद फण्डा, १०० प्रतिशत हकप्रद शेयर निष्काशन गर्ने घोषणा

काठमाडौं । गार्डियन माइक्रो लाइफले दोस्रो बजारमा शेयर मूल्य बढाउन हकप्रद शेयर निष्काशनको फण्डा सार्वजनिक गरेको छ । नेपाल बीमा प्राधिकरणको पूँजी बृद्धि योजना विना नै कम्पनीले दोस्रो बजारमा प्रभावित पार्ने उद्देश्यले हकप्रद शेयर निष्काशनको घोषणा गरेको छ । यसले गर्दा केहि समयदेखि कम्पनीको शेयर मूल्यमा व्यापक बृद्धि भइरहेको छ । लो-क्यापको रुपमा स्थापित लघु बीमा कम्पनी गार्डियनले सत प्रतिशत हकप्रद शेयर निष्काशन सँगै चुक्ता पूँजी एक अर्ब ५० करोड पुग्नेछ । संस्थापक शेयरधनीहरुले अहिले नै कम्पनीको भ्यालु बढाउन खोजेको देखिन्छ । 

कम्पनीको सोमबार (चैत १८ गते) बसेको सञ्चालक समितिले १०० प्रतिशत (१ः१ अनुपातमा) हकप्रद सेयर जारी गर्ने निर्णय गरेको हो । यसले हकप्रद सेयर प्रस्ताव पारित गर्न वैशाख ५ गते विशेष साधारण सभा पनि बोलाएको छ । कम्पनीले सभा प्रयोजनका लागि चैत २८ गते बुक क्लोज हुने जानकारी गराएको छ । 

तसर्थ, चैत २७ गतेसम्म कायम रहने सेयरधनी मात्र उक्त विशेष सभामा भाग लिन सक्नेछन् । विशेष सभाबाट प्रस्ताव पारित भएर नियामक निकायहरुको स्वीकृति पाएपछि मात्र हकप्रद सेयर जारी हुनेछ । गार्डियन माइक्रो लाइफले हालै मात्र आइपीओ बिक्री गरी चुक्ता पुँजी ७५ करोड रुपैयाँ पुर्याएको छ । प्रस्तावित हकप्रद सेयर जारी भएमा पुँजी १ अर्ब ५० करोड रुपैयाँ पुग्नेछ ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?