आज यी २ लघुवित्त कम्पनीको लाभांश सुरक्षित गर्ने अन्तिम दिन

काठमाडौं, वैशाख १० — आज (बुधबार) स्वरोजगार लघुवित्त र स्वाभिमान लघुवित्त वित्तीय संस्थाको लाभांश सुरक्षित गर्ने अन्तिम दिन हो। नेपाल स्टक एक्सचेञ्ज (नेप्से) मा सूचीकृत यी दुई कम्पनीले वैशाख ११ गते बुक क्लोज गर्ने भएकाले आजसम्म शेयरधनी बनेकाले मात्र प्रस्तावित लाभांश प्राप्त गर्न सक्नेछन्।

स्वरोजगार लघुवित्त वित्तीय संस्थाले आर्थिक वर्ष २०७९/८० को नाफाबाट १३.५० प्रतिशत बोनस सेयर र कर प्रयोजनका लागि ०.७१ प्रतिशत नगद लाभांश वितरण गर्ने प्रस्ताव गरेको छ। कम्पनीले उक्त लाभांश अनुमोदन गर्न वैशाख २९ गते काठमाडौंको नेपाल प्रज्ञा प्रतिष्ठान, कमलादीमा बिहान ११ः३० बजे वार्षिक साधारण सभा आह्वान गरेको छ।

यस्तै, स्वाभिमान लघुवित्त वित्तीय संस्थाले सोही आवको नाफाबाट ५ प्रतिशत बोनस सेयर र ०.२६३२ प्रतिशत नगद लाभांश वितरण गर्ने प्रस्ताव ल्याएको छ। यस प्रस्ताव अनुमोदनका लागि कम्पनीले वैशाख १९ गते तिलोत्तमा–५, रुपन्देहीस्थित आफ्नै केन्द्रीय कार्यालयमा बिहान ११ बजे साधारण सभा आयोजना गर्नेछ। लाभांश प्राप्त गर्न इच्छुक लगानीकर्ताले आज (वैशाख १०) सम्म आफ्ना सेयर कायम राखिसक्नुपर्नेछ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?