![$adHeader[0]['title']](https://bfisnews.com/images/bigyapan/1759825227_1100x100.gif)
लक्ष्मी लघुवित्तको तेस्रो त्रैमासिक अवधिमा मुनाफा १३.०७% ले वृद्धि, प्रतिशेयर आम्दानी १५.१७ रुपैयाँ
- BFIS News
- 2025 May 05 12:51
काठमाडौं, २२ वैशाख । लक्ष्मी लघुवित्त वित्तीय संस्था लिमिटेडले आर्थिक वर्ष २०८१/८२ को तेस्रो त्रैमासिक वित्तीय विवरण सार्वजनिक गरेको छ। सो अवधिमा कम्पनीले ५ करोड २ लाख रुपैयाँ खुद नाफा आर्जन गरेको छ, जुन अघिल्लो आर्थिक वर्षको सोही अवधिको ४ करोड ४४ लाख रुपैयाँको तुलनामा १३.०७ प्रतिशतले वृद्धि भएको हो।
कम्पनीको प्रतिशेयर आम्दानी (ईपीएस) १५ रुपैयाँ १७ पैसा पुगेको छ भने प्रतिशेयर खुद सम्पत्ति मूल्य १.१५ प्रतिशतले वृद्धि भई १६८ रुपैयाँ २१ पैसा पुगेको छ।
लघुवित्तको खुद ब्याज आम्दानी १६.३४ प्रतिशतले बढ्दै ३२ करोड ३४ लाख रुपैयाँ पुगेको छ। त्यस्तै सञ्चालन नाफा ८.०७ प्रतिशतले बढेर ६ करोड ८५ लाख रुपैयाँ पुगेको छ। कर्मचारी खर्चमा १.५८ प्रतिशतको नियन्त्रणपूर्ण गिरावटले नाफामा सकारात्मक प्रभाव पारेको देखिन्छ।
यद्यपि नाफामा वृद्धि भए पनि कम्पनीको कर्जाको गुणस्तरप्रति चिन्ता देखिएको छ। निष्क्रिय ऋण (एनपीएल) १८.०४ प्रतिशतले वृद्धि भई ९.१६ प्रतिशत पुगेको छ। उता, कर्जा तथा अग्रिम रकम ३.७८ प्रतिशतले घटेको छ भने कम्पनीको ऋण दायित्व १३.५८ प्रतिशतले घटेको देखिन्छ। त्यसको विपरीत ग्राहक निक्षेप भने ५.५६ प्रतिशतले वृद्धि भएको छ।
रिजर्भ तथा जगेडा कोष ८.४० प्रतिशतले घटेको भए पनि जगेडा नाफा सकारात्मक मोडमा प्रवेश गरेको छ। अघिल्लो वर्षको नकारात्मक १ करोड ३ लाख रुपैयाँको तुलनामा यस त्रैमासमा कम्पनीको जगेडा नाफा २ करोड ३५ लाख रुपैयाँ पुगेको छ।
कोषको लागत दर १७.७० प्रतिशतले घटेर ७.५८ प्रतिशतमा झरेको छ, जसले ब्याज फैलावमा सुधार ल्याएको छ। कम्पनीको पूँजी पर्याप्तता अनुपात ९.५१ प्रतिशत पुगेको छ, जुन अघिल्लो वर्षको ८.३२ प्रतिशतभन्दा उच्च हो।
त्रैमासिकको अन्त्यसम्म कम्पनीको प्रतिकित्ता बजार मूल्य १,०५८.५५ रुपैयाँ रहेको छ भने मूल्य-आम्दानी (P/E) अनुपात ६९.७९ गुणा रहेको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
.jpeg)
प्रतिक्रिया