सिटिजन बैंकले हरेक वर्ष 'म्यान सिटिजन एसपाइरिङ म्यानेजर अवार्ड' प्रदान गर्ने, उदयमान व्यवस्थापकलाई सम्मान

काठमाडौं । सिटिजन्स बैंक इन्टरनेसनल लिमिटेडले म्यानेजमेन्ट एशोसिएसन अफ नेपाल (MAN)को साझेदारीमा उदयमान व्यवस्थापकहरुलाई सम्मान गर्ने भएको छ। यसका लागि नेपाल व्यवस्थापन संघ र सिटिजन बैंकले यसका लागि समझदारी पत्रमा हस्ताक्षर गरेका छन्। 

उक्त सम्झौतामा बैंकका प्रमुख कार्यकारी अधिकृत गणेशराज पोखरेल र संघका अध्यक्ष मोहनराज ओझाले हस्ताक्षर गरेका छन्।सम्झौता अन्तर्गत दुवै संस्थाको सहकार्यमा ‘MAN–Citizens Aspiring Managers Award’ स्थापना गरिने भएको छ। हरेक वर्ष फागुनमा आयोजना हुने व्यवस्थापन संघको राष्ट्रिय सम्मेलनमा यो प्रतिष्ठित पुरस्कार प्रदान गरिनेछ। व्यवस्थापन क्षेत्रका उदाउँदा प्रतिभाहरूलाई प्रोत्साहन गर्न यो अवार्डले महत्त्वपूर्ण भूमिका खेल्ने विश्वास गरिएको छ।

साझेदारीप्रति कृतज्ञता व्यक्त गर्दै सिटिजन्स बैंकले भनेको छ, “व्यवस्थापन नेतृत्वको विकास र व्यवसायिक उत्कृष्टता प्रवर्द्धन गर्न हामी प्रतिबद्ध छौं। यस अर्थपूर्ण सहकार्यका लागि म्यानेजमेन्ट एशोसिएसन अफ नेपालप्रति हामी हार्दिक धन्यवाद प्रकट गर्छौं।” सिटिजन्स बैंक र व्यवस्थापन संघको यो सहकार्यले नेपालको व्यवस्थापन क्षेत्रमा नयाँ पुस्ताका नेतृत्वलाई उत्प्रेरणा दिने अपेक्षा गरिएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?