सान्भि इनर्जीको आइपीओ बाँडफाँट सम्पन्न, २ लाख ४१ हजारले पाए सेयर

BFIS News
2025 Jun Mon 16:10

सान्भि इनर्जीको आइपीओ बाँडफाँट सम्पन्न, २ लाख ४१ हजारले पाए सेयर

काठमाडौं । सान्भि इनर्जी लिमिटेडको प्राथमिक सेयर (आइपीओ) बाँडफाँट सोमबार सम्पन्न भएको छ।

बिक्री प्रबन्धक नेपाल एसबीआइ मर्चेन्ट बैंकिङका अनुसार गोलाप्रथामार्फत २ लाख ४१ हजार ५३० जनाले प्रताव्यक्ति १० कित्ताका दरले सेयर प्राप्त गरेका छन्।

कम्पनीको आइपीओमा कुल २० लाख ४३ हजार २४९ जनाले आवेदन दिएका थिए। तीमध्ये २० लाख ३० हजार १५७ जनाको आवेदन मात्र वैध ठहरिएको छ।

सान्भिले जेठ ९ गतेदेखि १३ गतेसम्म सर्वसाधारणका लागि प्रतिकित्ता १०० रुपैयाँ अंकित दरमा कुल २४ करोड १५ लाख ३० हजार रुपैयाँ बराबरको २४ लाख १५ हजार ३०० कित्ता साधारण सेयर निष्कासन गरेको थियो।

आइपीओको नतिजा सान्भि इनर्जीको वेबसाइट, बिक्री प्रबन्धकको वेबसाइट तथा सीडीएस एन्ड क्लियरिङ लिमिटेडले सञ्चालन गरेको https://iporesult.cdsc.com.np मा हेर्न सकिनेछ। साथै, मेरोसेयर एपमार्फत पनि नतिजा हेर्न सकिने व्यवस्था गरिएको छ।