जोशी हाइड्रोले ६५ प्रतिशत हकप्रद शेयर निष्कासनका लागि अनुमति पायो

काठमाडौं, जेठ २८। जोशी हाइड्रोपावर डेभलपमेन्ट कम्पनीले ६५ प्रतिशत हकप्रद शेयर निष्कासनका लागि नेपाल धितोपत्र बोर्ड (सेबोन) बाट अनुमति पाएको छ। बोर्डले कम्पनीलाई सोमबार हकप्रद शेयर निष्कासन गर्न स्वीकृति दिएको हो।

कम्पनीले मंसिर २० गते सेबोनमा आवेदन दिएको थियो। अब अनुमति पाएसँगै कम्पनीले २४ लाख १४ हजार १ सय कित्ता हकप्रद शेयर निष्कासन गर्नेछ।

हाल जोशी हाइड्रोपावरको चुक्ता पूँजी ३७ करोड १४ लाख रुपैयाँ रहेको छ। हकप्रद निष्कासनपछि कम्पनीको पूँजी ६१ करोड २८ लाख १० हजार रुपैयाँ पुग्नेछ।

उक्त हकप्रद शेयर निष्कासन तथा विक्री प्रबन्धकको जिम्मेवारी लक्ष्मी क्यापिटल मार्केट लिमिटेडले लिएको छ। कम्पनीले हकप्रद शेयर निष्कासनमार्फत् थप लगानी जुटाउने र आयोजना विकासमा सहयोग पुर्‍याउने लक्ष्य लिएको छ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?