हिम स्टार ऊर्जा कम्पनीको आइपीओमा ११ करोडभन्दा बढीको आवेदन, मागभन्दा १२.३४ गुणा बढी

काठमाडौं। हिम स्टार ऊर्जा कम्पनीले वैदेशिक रोजगारीमा रहेका नेपाली नागरिकका लागि खुला गरेको प्राथमिक शेयर (आइपीओ) मा हालसम्म ११ करोड ५१ लाख ३६ हजार रुपैयाँ बराबरको आवेदन परेको छ।

सीडीएस एन्ड क्लियरिङ लिमिटेडका अनुसार असार १० गते बिहान १०:०६ बजेसम्म ६० हजार २८० जना आवेदकले कुल ११ लाख ५१ हजार ३६० कित्ता शेयरका लागि आवेदन दिएका छन्। यो संख्या कम्पनीले विदेशमा रहेका नेपालीका लागि निष्कासन गरेको कित्ताभन्दा १२.३४ गुणा बढी हो।

हिम स्टार ऊर्जा कम्पनीले जेठ ३० गतेदेखि वैदेशिक रोजगारीमा रहेका नेपालीका लागि कुल ९३ हजार २५० कित्ता आइपीओ बिक्री खुला गरेको हो। कम्पनीले आफ्नो कुल जारी पुँजी ३७ करोड ३० लाख रुपैयाँको ३० प्रतिशत अर्थात् ११ करोड १९ लाख रुपैयाँ बराबरको शेयर सर्वसाधारणमा निष्कासन गर्न नेपाल धितोपत्र बोर्डबाट स्वीकृति पाएको हो।

यस मध्ये १० प्रतिशत हिस्साले हुने ९३ लाख २५ हजार रुपैयाँ बराबरको शेयर वैदेशिक रोजगारीमा रहेका नेपालीका लागि छुट्याइएको हो।

न्यूनतम १० कित्ता र अधिकतम १० हजार कित्ता माग गर्न मिल्ने यो आइपीओमा आवेदन दिने अन्तिम म्याद असार १३ गते सम्म तोकिएको छ।

यस कम्पनीलाई क्रेडिट रेटिङ संस्था इक्रा नेपालले "इक्रा एनपी डबल बी माइनस (ICRA NP BB-)" रेटिङ प्रदान गरेको छ। यसले कम्पनीले समयमा आफ्नो दायित्व पुरा गर्ने क्षमता औसत जोखिमयुक्त रहेको जनाउँछ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?