आन्दोलनका नाममा विद्यालय बन्द गरेमा काठमाडौं महानगरपालिकाले कारबाही गर्ने

काठमाडौं । काठमाडौं महानगरपालिकाले शिक्षकहरुको आन्दोलनका नाममा विद्यालय बन्द गरे कारबाही गर्ने चेतावनी दिएको छ ।महानगरका मेयर बालेन्द्र शाह (बालेन)का प्रेस सहजकर्ता सुरेन्द्र बजगाईंका अनुसार शिक्षकहरुले आन्दोलन गरे पनि विद्यालय भने बन्द गर्न नमिल्दैन । विद्यालय बन्द गरेर आन्दोलन गरेमा महानगरले कारबाही गर्ने जनाएको छ । 

महानगरले पछिल्लो पटक संशोधन गरेको शिक्षा नीतिमा विद्यालयलाई राजनीतिबाट मुक्त गरिने र शिक्षकलगायतले दलको सदस्य पनि हुन नमिल्ने व्यवस्था गरेको छ । शिक्षा ऐनमा पनि संशोधन गरिएको भन्दै महानगरले स्कुल बन्द गरेर आन्दोलन गर्न नमिल्ने जनाएको छ । यदि कसैले स्कुल बन्द गरेर आन्दोलन गरेमा सधैका लागि विद्यालय बन्द गराउने बाटो खोज्ने महानगरले चेतावनी दिएको छ । 

शिक्षकहरुले आन्दोलन गर्न पाउने, तर त्यसले विद्यालयको पठनपाठन बिग्रन नहुने र विद्यालय बन्द हुन नहुने महानगरको भनाइ छ । संसदमा दर्ता भएको शिक्षा विधेयकको बिरोधमा शिक्षकहरु आन्दोलनमा उत्रिएका छन् । बुधबार देशभरिका विद्यालय बन्द गरी आन्दोलनमा उत्रिएको नेपाल शिक्षक महासंघ राष्ट्रिय समितिले काठमाडौं केन्द्रित आन्दोलन गरिरहँदा महानगरले आफू मातहतका शिक्षक विद्यालय बन्द गरेर आन्दोलनमा उत्रिए कारबाहीको चेतावनी दिएको हो ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

काठमाडौंको कमलादीमा स्काइवाक, एक हजारमा टिकट पाइने

शिवम् सिमेन्टका कार्यकारी निर्देशक रघुनन्दन मारुलाई आउटस्ट्यान्डिङ इन्टरनेसनल लिडरसिप अवार्ड