नेबिको लिमिटेडले सर्वसाधारणका लागि २० करोडको आईपीओ निष्काशन गर्ने

काठमाडौं, साउन ९।  नेपालको सबैभन्दा पुराना तथा प्रसिद्ध खाद्य उत्पादन कम्पनीमध्ये एक नेबिको लिमिटेडले सर्वसाधारणका लागि रु. २० करोड बराबरको प्रारम्भिक सार्वजनिक निष्काशन (आईपीओ) ल्याउने भएको छ।

यस प्रयोजनका लागि कम्पनीले सिदार्थ क्यापिटल लिमिटेडलाई निष्काशन तथा बिक्री प्रबन्धकको रूपमा नियुक्त गरेको छ।

यससम्बन्धी सम्झौता साउन ८ गते सिदार्थ क्यापिटलको नक्सालस्थित कार्यालयमा हस्ताक्षर गरिएको हो।

वि.सं. २०२१ मा स्थापना भएको नेबिको लिमिटेडको मुख्य कारखाना बालाजु औद्योगिक क्षेत्रमा रहेको छ भने हेटौंडा र भैरहवामा समेत यसको उत्पादन इकाइहरू सञ्चालनमा छन्। कम्पनीको वार्षिक उत्पादन क्षमता १,५०० मेट्रिक टन रहेको छ। कम्पनीले बिस्कुट, कन्फेक्सनरी, कुकीज र सिरियल्स उत्पादन गर्दै आएको छ।

नेबिकोले निकट भविष्यमा बेकरी, वेफर तथा पफ उत्पादनहरूलाई देश तथा विदेशमा विस्तार गर्ने योजना अघि बढाएको छ। यसका लागि हेटौंडा औद्योगिक क्षेत्रमा नयाँ प्लान्ट निर्माण कार्य भइरहेको छ भने आवश्यक मेसिनरी खरिद प्रक्रिया पनि सुरु भइसकेको छ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?