शाइन रेसुंगा विकास बैंकको डिबेञ्चर ५.९५ गुणा ओभरसब्सक्राइब, बाँडफाँट सफलतापूर्वक सम्पन्न

काठमाडौं, साउन ९।  शाइन रेसुंगा विकास बैंक लिमिटेडले निष्काशन गरेको “८% शाइन रेसुंगा विकास बैंक डिबेञ्चर २०९२” को बाँडफाँट सफलतापूर्वक सम्पन्न भएको छ।

निष्काशन तथा बाँडफाँटको प्रक्रिया एनआईएमबी एस क्यापिटल लिमिटेडको कार्यालयमा सम्पन्न भएको हो।

कुल १ अर्ब रुपैयाँ बराबरको यो डिबेञ्चरमा १० लाख कित्ता समावेश गरिएको थियो, जसको प्रतिकित्ता मूल्य १,००० रुपैयाँ रहेको छ। तीमध्ये ६० प्रतिशत अर्थात् ६ लाख कित्ता निजी स्थानमा (Private Placement) र ४० प्रतिशत अर्थात् ४ लाख कित्ता सर्वसाधारणका लागि खुला गरिएको थियो।

साउन ४ गते (२०७९/०४/०४) सम्म खुला रहेको यो डिबेञ्चर सार्वजनिक निष्काशनमा अत्यधिक लगानीकर्ताको सहभागिता रह्यो। सार्वजनिक निष्काशनमा माग ५.९५ गुणाले बढी भएको बैंकले जनाएको छ। यो उत्साहजनक सहभागिताले आम लगानीकर्ताको बैंकप्रति विश्वास र नेपालको पूँजी बजारप्रति बढ्दो चासो झल्काएको बैंकको भनाइ छ।

बाँडफाँटपछि सफल आवेदकहरूको डिम्याट खातामा डिबेञ्चर कित्ता चाँडै नै जम्मा गरिनेछ।

बैंकले सम्पूर्ण लगानीकर्ताहरूलाई धन्यवाद ज्ञापन गर्दै निष्काशन व्यवस्थापनमा पाएको सहयोगका लागि एनआईएमबी एस क्यापिटल लिमिटेडप्रति आभार प्रकट गरेको छ। डिबेञ्चर निष्काशनबाट प्राप्त पूँजीले बैंकको पुँजी आधार थप मजबुत बनाउने र देशव्यापी भरपर्दो तथा नविन वित्तीय सेवा प्रदान गर्न सहयोग पुग्ने बैंकले विश्वास लिएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?