बजार बन्द भएपछि नेप्सेको वेबसाइट डाउन, लगानीकर्ता अन्योलमा

काठमाडौं, साउन १९।   नेपाल स्टक एक्सचेन्ज (नेप्से) को वेबसाइट आज बजार बन्द भएलगत्तै डाउन भएपछि लगानीकर्ता बजारको वास्तविक कारोबार विवरण पाउन नसक्दा अन्योलमा परेका छन्।

प्रत्येक दिन बजार बन्द भएको करिब २०–२२ मिनेटपछि नेप्सेले दिनभरको कारोबार विवरण सार्वजनिक गर्दै आएको छ। तर, सोमबार बजार बन्द भएको झण्डै १ घण्टा बितिसक्दा पनि वेबसाइट खुल्न नसकेपछि लगानीकर्ताहरूमा अनिश्चितता बढेको हो।

नेप्सेका प्रवक्ताका अनुसार वेबसाइट डाउन हुनुको कारण प्राविधिक समस्या हुनसक्ने बताइएको छ। “प्राविधिक टिमले समस्या पहिचान गर्ने कार्य गरिरहेको छ,” प्रवक्ताले भने।

यो समाचार तयार पार्दासम्म पनि नेप्सेको वेबसाइट पुनः सञ्चालनमा आउन सकेको छैन। लगानीकर्ताहरूले बजारको अन्तिम तथ्यांक, स्टक मूल्य, कारोबार रकमलगायत विवरणहरू थाहा नपाउँदा कारोबार विश्लेषण गर्न कठिन भएको गुनासो गरेका छन्।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?